ՀՀ ՎԱՐՉԱՊԵՏԸ ԱՇԽԱՏԱՆՔԱՅԻՆ ԱՅՑ Է ԿԱՏԱՐԵԼ ԱՐՄԱՒԻՐԻ ՄԱՐԶ
30-07-2007 17:05:00 | Հայաստան | Տնտեսութիւն
ԱՐՄԱՒԻՐ, 30 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ վարչապետ Սերժ
Սարգսեանը յուլիսի 28-ին աշխատանքային այց է կատարել Արմաւիրի
մարզ: Էջմիածին քաղաքում վարչապետը ծանօթացել է ճանապարհաշինութեան
աշխատանքների ընթացքին, այնուհետեւ ուղեւորուել է մարզի Գայ գիւղ,
այցելել գիւղի դպրոց, մշակոյթի տուն, տեղի Սուրբ Նշան եկեղեցի:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ կառավարութեան
Տեղեկատուութեան եւ հասարակայնութեան հետ կապերի վարչութիւնից,
Ս.Սարգսեանը ծանօթացել է նաեւ Արմաւիր քաղաքի ճանապարհաշինությանը,
Արտամետ համայնքում Յուշակերտ գիւղի յատուածում դիտել նորատունկ
այգիները, ապա այցելել Արտամետի նոր կառուցւող դպրոց, մասնակցել
դպրոցի հիմնարկեքին:
Արաքս գետի ափապաշտպան շերտի վրայ կատարուված աշխատանքներին
ծանօթանալու նպատակով, վարչապետը եղել է նաեւ Երվանդաշատ
համայնքում: