ՍԵՐԲԻԱՆ ՀԱՍՏԱՏՈՒՄ Է ԿՈՍՈՎՈՅԻ ՀԱՐՑՈՒՄ ԻՐ ՆՈՐ ԴԻՐՔՈՐՈՇՈՒՄԸ
25-07-2007 18:00:00 | | Միջազգային
ԲԵԼԳՐԱԴ, 25 ՅՈՒԼԻՍԻ, ՆՈՅԵԱՆ ՏԱՊԱՆ: Սերբիայի խորհրդարանը`
Սկուպշչինան, հաստատել է կոսովեան հարցով իր նոր դիրքորոշումը:
Համաձայն դրա, Սերբիան Կոսովոն դիտել եւ դիտելու է իր տարածքի մաս:
Միեւնոյն ժամանակ երկրամասին տրամադրւում է ամենալայն
ինքնավարութիւն, իսկ բնակչութեան ինքնակառավարման իրաւունքը
երաշխավորում է միջազգային հանրութիւնը:
Այս դիրքորոշմամբ, որ հաստատուել է ձայների բացարձակ
մեծամասնութեամբ, Բելգրադը հանդէս կգայ բանակցութիւնների յաջորդ
փուլում: Իսկ Կոսովոյի առաջնորդները յուլիսի 24-ին Վաշինգտոնում
հանդիպում են ունեցել ԱՄՆ-ի պետքարտուղար Կոնդոլիզա Ռայսի հետ:
Պրիշտինայի պատուիրակութիւնը յայտարարել է, որ միակողմանի կարգով
անկախութիւն չի հայտարարի: Ըստ որում կոսովեան նախարարները
ընդգծել են, որ կցանկանային, որպէսզի հարցը լուծուեր Մարտի
Ախտիսաարիի ծրագրի հիման վրայ, որ նախատեսում է փաստացի աստիճանական
անցում երկրամասի անկախութեանը:
ԴԱՍ. ՀԱՅԵՐԵՆ 
Հայերեն
Русский
English
French