ԼԻԲԻԱՅԻ ԳԵՐԱԳՈՅՆ ԴԱՏԱՐԱՆԸ ԱՆՓՈՓՈԽ Է ԹՈՂԵԼ ԲՈՒԼՂԱՐԱՑԻ
ԲՈՒԺՔՈՅՐԵՐԻ ԵՎ ՊԱՂԵՍՏԻՆՑԻ ԲԺՇԿԻ ՄԱՀՈՒԱՆ ԴԱՏԱՎՃԻՌԸ
11-07-2007 17:19:00 | | Միջազգային
ՏՐԻՊՈԼԻ, 11 ՅՈՒԼԻՍԻ, ՆՈՅԵԱՆ ՏԱՊԱՆ: Լիբիայի Գերագոյն
դատարանը յուլիսի 11-ին վերահաստատել է բուլղարացի 5 բուժքոյրերի եւ
պաղեստինցի բժշկի մահուան դատավճիռը: Այս մասին հաղորդում է
«Reuters» գործակալութիւնը:
Այսպիսով, Գերագոյն դատարանը մերժեց ամբաստանեալների
փաստաբանների` փետրուարի 17-ին ներկայացուած բողոքարկումը: Սակայն
նրանք դեռ ունեն Լիբիայի Արդարադատութեան գերագոյն խորհրդի կողմից
ներման արժանանալու հնարաւորութիւն:
Նշենք, որ 1999թ. բուլղարացի 5 բուժքոյրերը եւ պաղեստինցի
բժիշկը Լիբիայում ձերբակալուել էին 400-ից աւելի լիբիացի երեխաների
ՄԻԱՎ-ով կանխամտածուած վարակելու մեղադրանքով: 2004թ. դատարանը
մեղադրեալներին դատապարտել էր մահապատժի: Սակայն բժիշկները պնդում
էին, թէ անմեղ են, եւ իրենց խոստովանական ցուցմունքները կորզվել են
խոշտանգումների միջոցով: