ՊԱԿԻՍՏԱՆԻ ՄԱՅՐԱՔԱՂԱՔՈՒՄ ՇԱՐՈՒՆԱԿՒՈՒՄ Է ԿԱՐՄԻՐ ՄԶԿԻԹԻ ԳՐՈՀԸ.
ՍՊԱՆՈՒԵԼ Է ԻՍԼԱՄԻՍՏՆԵՐԻ ԱՌԱՋՆՈՐԴԸ
10-07-2007 21:20:00 | | Միջազգային
ԻՍԼԱՄԱԲԱԴ, 10 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 10-ին
Պակիստանի մայրաքաղաք Իսլամաբադում սկսուած Կարմիր մզկիթի գրոհը
շարունակւում է: Մզկիթում կառավարութեան զորքերին շարունակում են
դիմադրութիւն ցոյց տալ մի քանի հարիւր իսլամիստ ուսանողներ եւ
«Ալ Ղաիդա» ահաբեկչական կազմակերպութեան ու «Թալիբան» շարժման հետ
կապ ունեցող գրոհայիններ:
Մզկիթի գրոհը սկսուել էր այսօր առաւօտեան: 8 ժամ անց
զինվորականների ձեռքն էր անցել մզկիթի տարածքի 70%-ը: Մնացած մասը
շարունակում է մնալ լաւ զինուած գրոհայինների ձեռքում, որոնք որպէս
կենդանի վահան են օգտագործում պատանդներին:
Տեղեկութիւնների համաձայն, յանձնուել է 50 գրոհային, նոյնքան
էլ` սպանուել: Կայ նաեւ 15 զոհ զինվորականների կողմից: Ինչպէս
յայտնում են տեղական լրատվամիջոցները, սպանուել է իսլամիստների
առաջնորդ Աբդուլ Ռաշիդ Գազին:
Յիշեցնենք, որ Կարմիր մզկիթը Պակիստանի ոստիկանութեան եւ
զօրքերի կողմից յուլիսի 3-ին շրջափակվել էր մզկիթի մեդրեսէի
ուսանողների եւ ներքին զօրքերի ստորաբաժանման միջեւ տեղի ունեցած
բախումից յետոյ, ինչի հետեւանքով զոհուել էր 12 եւ վիրաւորուել 150
մարդ: