ՅԱՅՏՆԻ ԴԱՐՁԱՆ «ՓՅՈՒՆԻԿԻ», «ԲԱՆԱՆՑԻ» ԵՎ «ՄԻԿԱՅԻ» ՄՐՑԱԿԻՑՆԵՐԸ
29-06-2007 21:04:00 | | Սպորտ
ՆԻՈՆ, 29 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 29-ին Շվեյցարիայի
Նիոն քաղաքում` ՈՒԵՖԱ-ի կենտրոնակայանում, տեղի ունեցան
2007-08թթ.-ի մրցաշրջանի Եւրոպայի չեմպիոնների լիգայի եւ ՈՒԵՖԱ-ի
գաւաթի խաղարկութեան վիճակահանությունները:
Հայաստանի չեմպիոն «Փիւնիկը» չեմպիոնների լիգայի
խաղարկութեան առաջին փուլի առաջին խաղում յուլիսի 17-ին
Իռլանդիայում կմրցի «Դերրի սիթի» թիմի հետ: Պատասխան խաղը կկայանայ
Երեւանում յուլիսի 24-ին:
ՈՒԵՖԱ-ի գաւաթի խաղարկութիւնում Հայաստանի փոխչեմպիոն եւ
գաւաթակիր Երեւանի «Բանանցը» յուլիսի 19-ին Շվեյցարիայում կմրցի
«Յանգ Բոյզի» հետ: Իսկ Հայաստանի բրոնզէ մեդալակիր Երեւանի «Միկան»
կհյուրընկալի Հունգարիայի «ՄՏԿ»-ին: Պատասխան հանդիպումները
նշանակուած են օգոստոսի 2-ին:
Եթէ «Փիւնիկը» յաջողութեան հասնի, ապա 2-րդ փուլում կմրցի
Դոնեցկի «Շախտյորի» հետ: Նշենք նաեւ, որ անցեալ տարի «Յանգ Բոյզին»
մրցակիցն էր «Միկան», որ Երեւանում պարտուել էր 1:3, իսկ
Շվեյցարիայում` 0:1 հաշւով: