ԵՐԵՒԱՆՈՒՄ ԲԱՑՈՒԵՑ ԲԱՆԱՍՏԵՂԾ ՀԱՄՈ ՍԱՀԵԱՆԻ ՀՈՒՇԱՏԱԽՏԱԿԸ
28-06-2007 20:00:00 | Հայաստան | Մշակոյթ
ԵՐԵՎԱՆ, 28 ՅՈՒՆԻՍԻ, ՆՈՅԵԱՆ ՏԱՊԱՆ: 20-րդ դարի երկրորդ կէսի
հայ մեծ քնարերգու Համո Սահեանի հուշատախտակը բացուեց յունիսի 28-ին
Երեւանի Կասեան 3 հասցեում, որտեղ բանաստեղծն ապրել է
1960-73թթ.-ին: Հուշատախտակի հեղինակն է քանդակագործ Գետիկ
Բաղդասարեանը:
Հայաստանի Գրողների միութեան նախագահ Լեւոն Անանեանի
խօսքերով, Հ.Սահեանի ինքնատիպ պոեզիան անվերջ արդիական է եւ հաւերժ
ուղեկիցն է մարդկայինի ու գեղեցիկի: Ըստ նրա, բանաստեղծը կարողացաւ
«նորոգել ու հարստացնել մեր բազմադարեան քնարերգությունը, եւ իր
ստեղծագործություններով նոր խօսք ու նոր շունչ հաղորդել հայ
գրականութեանը»:
«Համո Սահյան» մշակոյթային կենտրոնի տնօրէն Շչօրս Դավթեանը
նշեց, որ Հ.Սահյանը նորագոյն շրջանի հայ բանաստեղծութեան նորարարը
եղավ: Նրա բնորոշմամբ, մարդու եւ բնութեան փոխհարաբերությունների
գեղագիտական եւ փիլիսոփայական մեկնաբանութիւններով Հ.Սահյանը
ընդարձակեց բնութեան տեղը ժամանակակից քաղաքակրթության զարգացման
մէջ: «Իր ստեղծագործութեան հսկայական նշանակութեամբ, լեզուական
կատարելությամբ Հ.Սահյանը իր դասակական կեցուածքով մտել է
բանաստեղծական ուղեծիր` շփման եզրեր ունենալով հին եւ ժամանակակից
խոշորագոյն քնարերգուների հետ»,- նշեց Շ.Դավթեանը: