ԵՐԵՒԱՆՈՒՄ ԵՎ ԴԻԼԻՋԱՆՈՒՄ ԱՆՑԿԱՑՒՈՒՄ Է «ՈՍԿԷ ԿԻԹԱՌ - 2007»
ՀԵՂԻՆԱԿԱՅԻՆ ԵՐԳԻ ՀԱՆՐԱՊԵՏԱԿԱՆ ՓԱՌԱՏՈՆ
28-06-2007 16:22:00 | Հայաստան | Մշակոյթ
ԵՐԵՎԱՆ, 28 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ Մշակոյթի
նախարարութեան, «Օվացիա» պրոդյուսերական կենտրոնի եւ Մշակոյթի
զարգացման բարեգործական հիմնադրամի նախաձեռնութեամբ յունիսի
21-30-ին Երեւանում եւ Դիլիջանում անցկացւում է «Ոսկէ կիթառ -
2007» հեղինակային երգի հանրապետական փառատոնը: Ինչպէս յունիսի
28-ի ասուլիսում յայտնեց փառատոնի տնօրէն Սամուէլ Մեսրոպեանը,
փառատօնին մասնակցութեան պարտադիր պայմանն է երգերի միայն հայերէն
եւ կիթառի նուագակցութեամբ կատարումը:
ՀՀ մշակոյթի փոխնախարար Կարինէ Խոդիկեանի խօսքերով, վերջին
տարիներին հեղինակային երգի ժանրը Հայաստանում անտեսուած է: Ըստ
նրա, նախարարութիւնը փորձում է նպաստել այդ ժանրի
ժողովրդականացմանը` աջակցութիւն ցուցաբերելով փառատոնի
անցկացմանը: Նշուեց, որ եթէ 2006թ.-ին առաջին փառատոնի անցկացման
համար պետբիւջէից յատկացուել էր 1,5 մլն դրամ, ապա այս տարի` 2,5
մլն դրամ (մօտ 7 հազար ԱՄՆ դոլար):
Ըստ երգահան Էդուարդ Զորիկյանի, փառատոնի նպատակն է ի մի
բերել վերջին տարիներին երգարվեստի ժանրի նուաճումները, յայտնաբերել
նոր հեղինակ-կատարողների եւ նպաստել նրանց միջեւ ստեղծագործական
շփումների ակտիւացմանը:
Նշուեց նաեւ, որ յունիսի 29-30-ին Երեւանի Հ.Պարոնեանի անուան
կոմեդիայի թատրոնում կկայանան փառատոնի գալա-համերգները: