ՀՈԿՏԵՄԲԵՐԻ 10-17-ԻՆ ԿԿԱՅԱՆԱՅ ՕՏԱՐԱԳԻՐ ՀԱՅ ԳՐՈՂՆԵՐԻ ԵՐԿՐՈՐԴ
ՀԱՄԱԺՈՂՈՎԸ
27-06-2007 20:10:00 | Հայաստան | Մշակոյթ
ԵՐԵՎԱՆ, 27 ՅՈՒՆԻՍԻ, ՆՈՅԵԱՆ ՏԱՊԱՆ: Հոկտեմբերի 10-17-ին
կկայանայ օտարագիր հայ գրողների երկրորդ համաժողովը, որին
կմասնակցեն երեք տասնեակից աւելի հայազգի գրողներ ԱՄՆ-ից,
Կանադայից, Ֆրանսիայից, Շուեցարիայից, Լիբանանից, Իրանից եւ
Թուրքիայից: Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց Հայաստանի
Գրողների միութեան նախագահ Լեւոն Անանեանը, «Ինքնութիւն եւ
գրականութիւն» խորագրով համաժողովի առաջին չորս օրերը կանցկացուեն
Հայաստանում, որից յետոյ այն իր աշխատանքը կշարունակի Արցախում:
Համաժողովի նախապատրաստութեան շրջանակներում հայերէնով լոյս
կտեսնի «Օտարագիր հայ գրողներ» անթոլոգիան:
Նշուեց, որ մասնակիցների մեծ մասը Հայաստան է ժամանելու առաջին
անգամ: Օտարագիր հայ գրողներից բացի համաժողովին կմասնակցեն նաեւ
սփիւռքահայ գրողներ Սփիւռքի տարբեր գաղթօջախներից:
Լ.Անանեանը յայտնեց նաեւ, որ գրողները հանդիպումներ կունենան
ՀՀ-ի եւ ԼՂՀ-ի բարձրաստիճան պաշտօնեաների հետ, Օշականում
կմասնակցեն Թարգմանչաց տոնին: