ԵՐԵՒԱՆԻ ՀԱՍԱՐԱԿԱԿԱՆ ՍՆՆԴԻ ՍՏՈՒԳՄԱՆ ԵՆԹԱՐԿՎԱԾ 8 ՕԲՅԵԿՏՆԵՐԻՑ
4-ՈՒՄ ԵՐԱԺՇՏՈՒԹԵԱՆ ԲԱՐՁՐՈՒԹԻՒՆԸ ԳԵՐԱԶԱՆՑԵԼ Է ԹՈՒՅԼԱՏՐԵԼԻ ՆՈՐՄԱՆ
25-06-2007 19:00:00 | Հայաստան | Հասարակութիւն
ԵՐԵՎԱՆ, 25 ՅՈՒՆԻՍԻ, ՆՈՅԵԱՆ ՏԱՊԱՆ: Վերջին մէկ ամսում
մայրաքաղաքի 8 հասարակական սննդի օբյեկտների ստուգումների
արդիւնքում դրանցից 4-ում արձանագրուել են խախտումներ,
մասնաւորապէս, երաժշտութեան սահմանուած բարձրութեան գերազանցում:
Ինչպէս յունիսի 25-ի ասուլիսում յայտնեց Երեւանի քաղաքապետարանի
Առեւտրի եւ սպասարկման վարչութեան պետ Կարեն Գեւորգեանը,
ստուգումներն անցկացուել են հիմնականում բնակիչների ահազանգերի
հիման վրայ: Կ.Գեւորգեանի խօսքերով, նշուած 4 օբյեկտների
սեփականատէրերի նկատմամբ կիրառուել են վարչական տույժեր` 30-50 հազ.
դրամի (մօտ 67-112 ԱՄՆ դոլար) սահմաններում:
Վարչութեան պետն անդրադառնալով սգոյ պարագաների վաճառքի
կազմակերպման հերցերին, նշեց, որ «Հուղարկաւորութեան մասին»
օրէնքով այդ առեւտուրը թույլատրվելու է միայն մգեցված ապակիներով
կրպակներում, ինչպէս նաեւ գերեզմանատներին հարող տարածքներում: Իսկ
դիատար աւտոմեքենաները, ըստ օրէնքի, պէտք է կայանեն միայն
Արշակունեաց 18 հասցեում եւ գերեզմանատներին հարող տարածքներում,
ինչպէս նաեւ պէտք է ունենան դի տեղափոխելու համապատասխան
թույլատվություն: