ԵՐԵՒԱՆՈՒՄ ԱՄԵՐԻԿԱՑԻ ԵՐԱԺԻՇՏՆԵՐԸ ԿՆԵՐԿԱՅԱՑՆԵՆ
ԱՖՐՈ-ԿՈՒԲԱՅԱԿԱՆ ՋԱԶ ԵՐԱԺՇՏՈՒԹՅՈՒՆ
14-06-2007 18:13:00 | Հայաստան | Մշակոյթ
ԵՐԵՎԱՆ, 14 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ-ում ԱՄՆ դեսպանատան
նախաձեռնութեամբ կազմակերպւող «Ամերիկեան ջազը Հայաստանում» ծրագրի
շրջանակներում յունիսի 14-ին Երեւանի «Աստրալ» ակումբում, իսկ
յունիսի 15-ին «Կասկադ» համալիրում կկայանան թմբկահար, կոմպոզիտոր
Բոբբի Սանաբրիայի եւ «Quarteto Ache» խմբի համերգները: Ամերիկացի
երաժիշտները հայ ունկնդրին կներկայացնեն Կուբայում ծնունդ առած,
բայց 1940-ականներին Նյու Յորքում ձեւաւորուած աֆրո-կուբայական ոճի
ջազ երաժշտություն: «Quarteto Ache»-ի հրաւէրով համերգներին
կմասնակցի նաեւ ամերիկահայ դաշնակահար Արմէն Դոնելեանը:
Յունիսի 14-ի ասուլիսում Բ.Սանաբրիան յայտնեց, որ թէեւ իրենք
Հայաստանում առաջին անգամն են համերգներ ունենում, սակայն վստահ
են, որ հայերին դուր կգայ լատինամերիկեան ջազը: «Այսօր ամբողջ
աշխարհում ջազը տարածուած է: Ջազի մէջ ներգրաւուած են տարբեր ազգերի
մշակոյթների տարրեր, այդ իսկ պատճառով գրեթէ բոլորին այն դուր է
գալիս»,- ընդգծեց ամերիկացի երաժիշտը: Բ.Սանաբրիան նշեց նաեւ, որ
ինքը Նյու Յորքում բազմաթիւ հայ ընկերներ ունի եւ որոշ չափով ծանօթ
է հայկական մշակոյթին:
Ըստ Ա.Դոնելեանը, թէեւ ինքը ծնուել է ԱՄՆ-ում, սակայն ստացել է
հայեցի դաստիարակութիւն: «Ես փոքրուց լսել եմ հայկական
երաժշտություն, այդ պատճառով էլ իմ ստեղծագործություններում առկայ
են հայկական երանգներ: Բացի դրանից, մենահամերգների ժամանակ ես
կատարում եմ հայ կոմպոզիտորների գործեր»,- նշեց ամերիկահայ
դաշնակահարը: Նրա խօսքերով, ինքը երկար տարիներ համագործակցել է
ջազային երգչուհի Տաթեւիկ Յովհաննիսեանի հետ, որին համարում է
«հայկական ջազի դուստր»: