PKK-ի ՀԱՐՑՈՒՄ ԻՐԱՔԸ ՊԱՏՐԱՍՏ Է ԲԱՆԱԿՑԵԼ ԹՈՒՐՔԻԱՅԻ ՀԵՏ
11-06-2007 13:08:00 | | Միջազգային
ԲԱՂԴԱԴ, 11 ՅՈՒՆԻՍԻ, ՆՈՅԵԱՆ ՏԱՊԱՆ: Իրաքի կառավարութիւնը
պատրաստ է Հիւսիսային Իրաքում Քրդստանի բանուորական կուսակցութեան
(PKK) ծաւալած գործունէութեան կապակցութեամբ բանակցել Թուրքիայի
հետ: Այս մասին յայտարարել է Իրաքի արտաքին գործերի նախարար Հոշյար
Զեբարին:
Իրաքի արտգործնախարարը «BBC»-ին յայտարարել է, թէ իր
կառավարութիւնը պատրաստ է Թուրքիայի հետ քննարկել վերջինիս յուզող
մի շարք հարցեր, այդ թւում նաեւ PKK-ի գործունէութեան հետ կապուած,
եւ նշել, որ իրենք դէմ են ռազմական միջամտություններին. «Մենք
պատրաստ ենք խօսել այդ հարցի մասին եւ դէմ ենք ռազմական
միջամտություններին ու սահմանային խախտումներին: Կարելի է բանակցել
բոլոր խնդիրների շուրջ եւ դրանք լուծել երկխօսութեան միջոցով»,-
յայտարարել է Իրաքի արտաքին գերատեսչութեան ղեկավարը: