«ԱՐՄԷՆԻԱ» ԲԺՇԿԱԿԱՆ ԿԵՆՏՐՈՆՈՒՄ ՅՈՒՆԻՍԻ 1-10-ԻՆ ԿԱՆՑԿԱՑՈՒԻ
ՏՂԱՄԱՐԴԿԱՆՑ ՈՒՐՈԼՈԳԻԱԿԱՆ ԱՆՎՃԱՐ ՀԵՏԱԶՕՏՄԱՆ ԱԿՑԻԱ
25-05-2007 18:28:00 | Հայաստան | Հասարակութիւն
ԵՐԵՎԱՆ, 25 ՄԱՅԻՍԻ, ՆՈՅԵԱՆ ՏԱՊԱՆ: Յունիսի 1-10-ին «Արմէնիա»
բժշկական կենտրոնի Ուրոլոգիայի կլինիկայում արդէն 4-րդ անգամ
կանցկացուի տղամարդկանց ուրոլոգիական անվճար հետազօտում: Ինչպէս
մայիսի 25-ին «Տղամարդու առողջութիւն. 2007» գիտաժողովի ժամանակ
յայտնեց կլինիկայի ղեկավար Արմէն Մուրադեանը, կանխարգելիչ այս
միջոցառումը հնարաւորութիւն է տալիս վաղ շրջանում յայտնաբերել
ուրոլոգիական հիւանդութիւնները եւ կազմակերպել արդիւնաւէտ
բուժում: Նրա խօսքերով, տարիներ շարունակ Հայաստանում տղամարդկանց
առողջութեան պահպանմանը միտուած լայնամասշտաբ ծրագրեր չեն
իրականացուել:
Նշուեց, որ գիտաժողովի նպատակն է բարձրացնել տղամարդկանց ոչ
միայն ուրոլոգիական ու անդրալոգիական, այլեւ հոգեբանական ու
նեարդային առողջական խնդիրների մասին իրազեկուածութեան մակարդակը:
Ա.Մուրադեանը յայտնեց, որ փորձի փոխանակման նպատակով գիտաժողովին
մասնակցելու համար անուանի գիտնական-ուրոլոգներ են ժամանել
Մոսկուայից եւ Սանկտ Պետերբուրգից :