120 ՄԼՐԴ. ԴՈԼԱՐ ԿՏՐԱՄԱԴՐՈՒԻ ԻՐԱՔԻ ԵՎ ԱՖՂԱՆՍՏԱՆԻ ԱՄԵՐԻԿԵԱՆ
ՌԱԶՄԱԿԱՆ ԳՈՐԾՈՂՈՒԹԻՒՆՆԵՐԻ ՖԻՆԱՆՍԱՒՈՐՄԱՆԸ
25-05-2007 15:55:00 | ԱՄՆ | Միջազգային
ՎԱՇԻՆԳՏՈՆ, 25 ՄԱՅԻՍԻ, ՆՈՅԵԱՆ ՏԱՊԱՆ: Մի քանի շաբաթ
Դեմոկրատական կուսակցութեան` Սպիտակ տանն ուղղուած դիմակայութիւնը
ի վերջոյ հասաւ իր աւարտին, ինչ արդիւնքում դեմոկրատները զիջեցին
իրենց դիրքերը
ԱՄՆ Ներկայացուցիչների պալատն ու Սենատը հաւանութիւն են տուել
բիւջէտային օրինագծին, որի համաձայն, պէտք է 120 միլարդ դոլար
տրամադրվի Իրաքում եւ Աֆղանստանում իրականացyող ամերիկեան ռազմական
գործողութիւնների ֆինանսաւորման համար: Սրա հետ մէկտեղ
փաստաթղթում չի նշւում ամերիկեան զօրքերի դուրս բերման կոնկրետ
ժամանակահատուածը:
Յիշեցնենք, որ Կոնգրեսում մեծամասնութիւն կազմող
դեմոկրատները մի քանի շաբաթ շարունակ պահանջում էին, որպէսզի
փաստաթղթում նշուեն Իրաքից ամերիկեան զօրքերի դուրս բերման կոնկրետ
ժամկէտը: Սակայն վերջիններս չկարողացան յաղթահարել նախագահի վետոն:
Փաստաթղթում կան նաեւ 18 քաղաքական եւ տնտեսական պահանջներ,
որոնք պէտք է իրականացնի Բաղդադը: