ԵՐԵՎԱՆ, 21 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 20-ին աւարտուեց Հայաստանի խճուղային բազմօրեայ հեծանվավազքի առաջնութիւնը: Երեւանի, Արմաւիրի, Վանաձորի, Աբովեանի եւ Մասիսի 38 հեծանւորդներ 5 փուլերում յաղթահարեցին 400 կմ մրցատարածություն: 1-ին եռեակում տեղեր գրաւեցին յաջորդաբար Արթուր Գրիգորեանը, Դավիթ Մկրտչեանը (երկուսն էլ Երեւան) եւ Էդգար Գեւորգեանը (Աբովեան): Փորձառուների պայքարում 4-րդ պատուաւոր տեղը զբաղեցրեց 16-ամեայ Սուրէն Պետրոսեանը (Երեւան): Առաջնութեան արդիւնքներով կազմավորվեց հաւաքականը, որը Քիշնեւում կմասնակցի Մոլդովայի նախագահի մրցանակների յունիսի 16-ին մեկնարկելիք խաղարկութեանը:

---