ԵՐԵՎԱՆ, 1 ՄԱՅԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Աւելի քան 10
տարուայ ընմիջումից յետոյ Հայաստան է այցելել ֆրանսահայ երգիչ Մարթեն
Յորգանցը: Յայտնի երգիչը ապրիլի 29-30-ը համերգներ է ունեցել
Երեւանում: Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց Մ.Յորգանցը,
երեւանեան համերգները մէկ անգամ եւս ապացուցեցին, որ Հայաստանում
սիրում են իր երգերը: Նրա խօսքերով, հաշուի առնելով այդ հանգամանքը,
նախատեսւում է սեպտեմբերին նոր համերգներ կազմակերպել հայրենիքում:
Մ.Յորգանցը նշեց, որ այսօր Երեւանը բոլորովին այլ պատկեր
ունի: Վերջին տարիներին կառուցոուած բնակելի շէնքերը, ռեստորաններն
ու հիւրանոցները, ըստ նրա, աւելի են գեղեցկացնում Երեւանը: Երգիչը
համոզուած է, որ եթէ այս տենդենցը շարունակուի, ապա մի քանի տարի
յետոյ Երեւանը կհամեմատեն եւրոպական մայրաքաղաքների հետ:
Ըստ նրա, ուրախալի է նաեւ այն, որ սփյուռքահայերը վերջին
տարիներին աւելի շատ են գալիս հայրենիք, եւ շատերը նոյնիսկ
ցանկութիւն ունեն մշտական բնակութիւն հաստատել Հայաստանում:
Անդրադառանալով իր երգարվեստին, Մ.Յորգանցը նշեց, որ երկու
տարին մէկ հայերէնով, ֆրանսերենով եւ իտալերենով թողարկվում են իր
ձայնասկաւառակները, իսկ հիւրախաղերով նա հանդէս է գալիս այն
երկրներում, որտեղ կան հայկական գաղթօջախներ: «Սփիւռքահայ
երիտասարդներն այսօր աւելի շատ նախընտրում են լսել հայկական երգեր:
Եվ ես ամէն ինչ անում եմ, որպէսզի նրանց ներկայացնեմ ոչ միայն
սիրային, այլեւ հայրենասիրական երգեր, քանի որ ազգը պահպանելու
համար երգը կարեւոր դերակատարութիւն ունի»,- ընդգծեց ֆրանսահայ
երգիչը:
Մ.Յորգանցի համար ցավալի է, որ Հայաստանում երգիչները փորձում
են հայկական երգերի մէջ մտցնել եւրոպական եւ ամերիկեան տարրեր,
ինչից, ըստ նրա, աղաւաղւում է հայկական երաժշտութիւնը: «Հայկական
երաժշտութիւնը պէտք է հնչի միայն ու միայն հայերէնով»,- նշեց նա: