ՀԱՅԱՍՏԱՆՈՒՄ ԹԱՓՈՒՐ ԱՇԽԱՏԱՏԵՂԵՐԸ ՀԻՄՆԱԿԱՆՈԿՄ ԲԱՆՈՒՈՐԱԿԱՆ
ՄԱՍՆԱԳԻՏՈՒԹԻՒՆՆԵՐԻ ԳԾՈՎ ԵՆ
20-04-2007 18:10:00 | Հայաստան | Հասարակութիւն
ԵՐԵՎԱՆ, 20 ԱՊՐԻԼԻ, ՆՈՅԵԱՆ ՏԱՊԱՆ: Հայաստանում տնտեսապես
ակտիւ բնակչութեան միջին թուաքանակը յունուար-փետրուարին կազմել է 1
մլն 170,2 հազար մարդ, որոնցից տնտեսութեան մէջ զբաղուած է եղել
92,8%-ը, կամ 1 մլն 085,6 հազարը: Աշխատանք չունեցող 84,6 հազար
քաղաքացիներ գրանցուել են ՀՀ Աշխատանքի եւ սոցիալական հարցերի
նախարարութեան «ՀՀ Զբաղվածության ծառայութիւն» գործակալութիւնում
եւ ստացել գործազուրկի կարգավիճակ:
ՀՀ Ազգային վիճակագրական ծառայութեան տուեալների համաձայն,
գործազուրկների 71,9%-ը կազմել են կանայք: Այս ցուցանիշը անցեալ
տարուայ նոյն ժամանակաշրջանի համեմատ աճել է 1,1%-ով:
Փետրուարին գործատուների կողմից ներկայացուել է 1433 թափուր
աշխատատեղի յայտ, որից 1128-ը` բանուորական, 305-ը` ծառայողական,
141` բժշկի, 19-ը` մանկավարժի մասնագիտութիւնների գծով:
Տարեսկզբից աշխատանքի է տեղաւորուել 1007 մարդ: