ԲԵՆԶԻՆ ԻՐԱՑՆՈՂ «ՖԼԵՇ» ԵՎ «ՔԱՂ ՊԵՏՐՈԼ ՍԵՐՎԻՍ»
ԸՆԿԵՐՈՒԹԻՒՆՆԵՐԸ ԿԻՐԱՌԵԼ ԵՆ ՉՀԻՄՆԱՒՈՐՈՒԱԾ ԳՆԵՐ
11-04-2007 20:40:00 | Հայաստան | Տնտեսութիւն
ԵՐԵՎԱՆ, 11 ԱՊՐԻԼԻ, ՆՈՅԵԱՆ ՏԱՊԱՆ: ՀՀ Տնտեսական մրցակցութեան
պաշտպանութեան պետական յանձնաժողովի ուսումնասիրությունների
համաձայն, 2006թ.-ի փետրուարին եւ դեկտեմբերին «Ֆլեշ» եւ նոյն
տարուայ մարտին «Քաղ Պետրոլ Սերվիս» ընկերութիւնների կողմից բենզինի
իրացման շուկայում կիրառուել են չհիմնաւորուած գներ:
Յանձնաժողովի մամուլի քարտուղար Արմինէ Ուդումյանի
տուեալներով, 2006թ.-ի դեկտեմբերին նոյեմբերի համեմատ «Ֆլեշի»
կողմից բենզինի ձեռք բերման գները նուազել են 8,13%-ով, ծախսերը`
4,88%-ով, սակայն բենզինը վաճառուել է 3,8% թանկ գնով, ինչի շնորհիւ
ընկերութեան շահոյթը նշուած ժամանակահատուածում աճել է 110%-ով:
Օրէնսդրութեան համաձայն, իրացման գինը չհիմնաւորուած է
համարւում, եթէ դրա բարձրացումից յետոյ սուբյեկտի շահոյթն աճում է
5%-ից աւելի:
«Տնտեսական մրցակցութեան պաշտպանութեան մասին» ՀՀ օրէնքում
լրացումներ եւ փոփոխութիւններ կատարելու մասին» օրէնքի օրերս ուժի
մէջ մտնելուց յետոյ գների չհիմնաւորուած բարձրացումը կհամարուի
պատժելի գործողութիւն: