ՌՈՒԲԷՆ ՔՈՉԱՐԸ ՄԻԱԺԱՄԱՆԱԿ ԱՇԽԱՏՈՒՄ Է ԵՐԿՈՒ` «ՆԱՐԵԿ» ԵՎ
«ԱՅՍՊԻՍԻ ԲԱՆԵՐ» ԳԵՂԱՐՈՒԵՍՏԱԿԱՆ ՖԻԼՄԵՐԻ ՎՐԱՅ
31-03-2007 16:00:00 | Հայաստան | Մշակոյթ
ԵՐԵՎԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Կինոռեժիսոր Ռուբէն Քոչարը
միանգամից սկսել է աշախատել երկու նոր` «Նարեկ» եւ «Այսպիսի բաներ»
հայ-ամերիկեան համատեղ արտադրութեան գեղարուեստական ֆիլմերի վրայ:
«Բլու լայն» ամերիկեան կինոկազմակերպության եւ Հայստանի ազգային
կինոկենտրոնի ֆինանսավորմամբ արդէն սկսուել են ռեժիսորի «Այսպիսի
բաներ» ֆիլմի նկարահանման աշխատանքները, իսկ «Նարեկ» ֆիլմը դեռեւս
գտնւում է նախապատրաստական փուլում:
Այս մասին մարտի 31-ին «Ուրբաթ» ակումբում կայացած հանդիպման
ժամանակ յայտնեց Ռուբէն Քոչարը: Ռեժիսորի խօսքերով, «Այսպիսի
բաներ» ֆիլմում կներկայացուի մի խումբ յայտնի ռեժիսորների` Լիւկ
Բեսոնի, Քվենտին Տարանտինոյի եւ այլոց ֆիլմերի թողած հետեւանքները
երիտասարդության վրայ: «Այդ ֆիլմերում բացակայում է իրական կեանքը,
հերոսները շփւում են վիրտուալ աշխարհում, ինչն իր հետ բերում է
անբնական եւ շփօթ իրավիճակ նրանց հոգիներում»,- նշեց հեղինակը:
Ֆիլմի գլխաւոր դերերից մէկը մարմնաւորելու է Յովհաննէս
Բաբախանեանը. դա լինելու է հոգեւորականի դեր, ով եւս վիրտուալ
կեանքում կորցրել է հաւատքը եւ հեռացել եկեղեցուց: Ռ.Քոչարը նշեց,
որ այս սեպտեմբերին ֆիլմի վրայ կատարւող աշխատանքները կաւարտուեն, եւ
պրեմիերան կկայանայ ԱՄՆ-ում:
Ռեժիսորը յայտնեց նաեւ, որ «Նարեկ» գեղարուեստական ֆիլմը
դեռեւս գտնւում է նախապատրաստական փուլում. փոփոխվում է սցենարը,
յստակեցուած չէ դերասանական կազմը: «Այս ֆիլմը ինձ համար շատ
կարեւոր նշանակութիւն ունի, քանի որ Գրիգոր Նարեկացին բացառիկ
երեւոյթ է: Նրա անձը եւ ստեղծագործությունները ինձ համար
ուղեցոյց են: Իմ նպատակն է` այս փորձություններով լի աշխարհում
ներկայացնել Նարեկացու հաւատքի առեղծվածն ու կարեւորութիւնը»,-
ասաց հեղինակը:
«Նարեկ»-ը նկարահանվելու է Հայաստանում, եւ եթէ հնարաւոր
լինի, նաեւ` Թուրքիայում: