ԱՄԵՐԻԿԵԱՆ ՍԵՆԱՏԸ ՔՈՒԷԱՐԿԵԼ Է ՅՕԳՈՒՏ ԻՐԱՔԻՑ ԱՄՆ-Ի ԶՕՐՔԵՐԻ
ԴՈՒՐՍԲԵՐՄԱՆ
28-03-2007 19:19:00 | ԱՄՆ | Միջազգային
ՎԱՇԻՆԳՏՈՆ, 28 ՄԱՐՏԻ, ՆՈՅԵԱՆ ՏԱՊԱՆ: Ամերիկեան Սենատը
քուէարկել է մինչեւ 2008 թուականի մարտի 28-ը Իրաքից ԱՄՆ-ի զօրքերի
դուրսբերման օգտին:
Օրինագծում, որին հաւանութիւն են տուել սենատորները, ասւում
է, որ «ընթացիկ հակամարտութիւնը Իրաքում պահանջում է գլխաւորապէս
քաղաքական որոշումներ»:
Դեմոկրատ սենատոր Ջո Բիդենը յայտարարել է. «Մենք ամենայն
հստակությամբ հասկացրինք նախագահին, որ հարկաւոր է փոխել
քաղաքականութիւնը Իրաքում: Եվ մենք յուսով ենք, որ նա, վերջապէս,
մեզ կլսի»:
Սակայն, քուէարկութեան արդիւնքները Ջորջ Բուշին չեն գոհացրել:
Ինչպէս ասւում է նրա մամլոյ ծառայութեան յայտարարութեյան մէջ,
նախագահը մտադիր է վետօ դնել օրինագծի վրայ: