ՀԱՅԱՍՏԱՆԻ ՏԱՐԱԾՔՈՒՄ ԳՏՆՈՒՈՂ 18 ՀԱԶԱՐ 935 ՊԱՏՄԱՄՇԱԿՈՒԹԱՅԻՆ
ՅՈՒՇԱՐՁԱՆՆԵՐ ԵՆԹԱԿԱՅ ՉԵՆ ՕՏԱՐՄԱՆ ԵՎ ՍԵՓԱԿԱՆԱՇՆՈՐՀՄԱՆ
23-03-2007 21:55:00 | Հայաստան | Մշակոյթ
ԵՐԵՎԱՆ, 23 ՄԱՐՏԻ, ՆՈՅԵԱՆ ՏԱՊԱՆ: Հայաստանի տարածքում
հաշւառուած եւ փաստագրված է 24 հազար 152 հուշարձան, որոնք
պետութիւնը համարում է պատմամշակութային յուշարձաններ: Դրանցից 18
հազար 935-ը ենթակայ չեն օտարաման եւ սեփականաշնորհման: Ինչպէս
մարտի 23-ին Մամուլի ազգային ակումբում կայացած մամլոյ ասուլիսում
յայտնեց Պատմամշակութային յուշարձանների գիտահետազօտական
ինստիտուտի տնօրէն Յակոբ Սիմոնեանը, այդ յուշարձանների թիւը
անընդհատ կարող է աւելանալ նոր անուններով. շինարակական
աշխատանքների, բնագիտական պեղումների հետեւանքով կարող են
բացայայտուել նորերը:
Հ.Սիմոնեանի խօսքերով, Հայաստանի անկախացումից յետոյ
անհարժեշտություն առաջացաւ օրէնքների եւ իրաւական ակտերի միջոցով
համակարգել ոլորտին վերաբերող մի շարք խնդիրներ, այդ թւում
յուշարձանների պահպանութեան հարցը: Այդ նպատակով սկսեցին
փաստագրվել Հայաստանի տարծքում գոյութիւն ունեցող յուշարձանները`
իւրաքանչիւր մարզի համար կազմելով առանձին ցուցակ: Մշակուեց եւ
հաստատուեց անշարժ յուշարձանների պահպանութեանը վերաբերող երեք
կարեւոր օրէնք, որոնցով փաստորեն պետութիւնը լիիրաւ հսկողութիւն
է սահմանում դրանց պահպանութեան համար:
«Այս օրէնքների ընդունումով փաստորեն վերացաւ այն վտանգը,
որով իւրաքանչիւր պահի կարող էին կամայականօրէն ոչնչացուել կամ
վնասուել այդ յուշարձանները. կառուցապատման կամ մելորացիայի
աշխատանքների արդիւնքում»,- ընդգծեց Հ.Սիմոնեանը:
Անդրադառնալով Երեւան քաղաքի պատմամշակութային յուշարձանների
պահպանութեանը, ասուլիսին մասնակից Հայաստանի ճարտարապետների
միութեան նախագահ Մկրտիչ Մինասեանը եւ Հ.Սիմոնեանը նշեցին, որ
այստեղ ոչնչացուել են 19-րդ դարի բազմաթիւ յուշարձաններ`
շինարարական աշխատանքների հետեւանքով: Նրանք պնդեցին, որ ժամանակին
ականաւոր ճարտարապետ Ալեքսանդր Թամանյանը իր նախագծերում ամէն կերպ
պահպանել է հին շէնքերն ու կառոյցները:
Ներկաները անդրադառնալով Աղթամար կղզու Սբ.Խաչ եկեղեցու
վերաբացմանը, նշեցին, որ 10-րդ դարի բացառիկ այդ յուշարձանը այսօր
գտնւում է այլ պետութեան տարածքում, եւ իրենք չեն կարող միջամտել
այնտեղ տեղ գտած թերութիւնները վերացնելու կամ շտկելու խնդրին:
«Կարեւորն այն է, որ այսօր այդ եկեղեցին վերկանգնվել է, եւ
հայկական պատուիրակութեան այցը Թուրքիա կարող է համագործակցութեան
նոր դաշտ ստեղծել այնտեղ գտնուող միւս եկեղեցիների վերկանգնման
համար»,- ընդգծեց Մ.Մինասեանը: