ԱՅՍ ՏԱՐՈՒԱՅ ՅՈՒՆՈՒԱՐ-ՓԵՏՐՈՒԱՐԻՆ ՆԱԽՈՐԴ ՏԱՐՈՒԱՅ ՆՈՅՆ ԱՄԻՍՆԵՐԻ
ՀԱՄԵՄԱՏ ԵՐԵՒԱՆՈՒՄ 12,57-%ՈՎ ԱՃԵԼ Է ԳՐԱՆՑՈՒԱԾ ՀԱՆՑԱԳՈՐԾՈՒԹՅՈՒՆՆԵՐԻ
ԹԻՒԸ
19-03-2007 17:58:00 | Հայաստան | Հասարակութիւն
ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: 2007թ.-ի յունուար-փետրուարին
Երեւանում գրանցուել է 659 հանցագործութիւն, ինչը 73 դէպքով կամ
12,5%-ով աւելի է նախորդ տարուայ նոյն ժամանակահատուածի ցուցանիշից:
Յայտնելով այս մասին մարտի 19-ին լրագրողների հետ հանդիպմանը,
ոստիկանութեան Երեւան քաղաքի վարչութեան պետ, ոստիկանութեան
գեներալ-մայոր Ներսէս Նազարեանը պարզաբանեց, որ
հանցագործությունների թուի աճը պայմանաւորուած է «լատենտային
հանցագործությունների յայտնաբերման եւ կատարուված
հանցագործությունների առաւել լիարժէք գրանցման հետեւողական
քաղաքականութեամբ»:
Այս տարուայ առաջին երկու ամսում Երեւանում կատարուել է 6
դիտաւորեալ սպանութիւն` նախորդ տարուայ նոյն ժամանակահատուածի 5-ի
դիմաց: Սպանութիւններից 4-ը արդէն բացայայտուել են:
Վնասազերծուել է 15 յանցաւոր խումբ` 42 անձով: Արդէն
բացայայտուել է նրանց կողմից կատարուված 63 հանցագործութեան դէպք:
41%-ով նուազում է նկատուել խուլիգանութեան եւ 33%-ով
կողոպուտների դեպքերով: Ն.Նազարեանը որպէս դրական միտում նշեց նաեւ
այն, որ 40%-ով պակասել է հրազենի գործադրմամբ կատարուված
հանցագործությունների քանակը: Ոստիկանութեան մարմինների կողմից
առգրաւուել եւ յանձնուել է բնակչութեան մօտ ապօրինաբար պահւող 18
միաւոր հրազէն, այդ թւում 2 ինքնաձիգ, 9 ատրճանակ, 3 նռնակ եւ
տարբեր տրամաչափի շուրջ 300 փամփուշտներ:
Թմրամիջոցների դէմ պայքարի ցուցանիշների 24 դէպքով կամ 80%-ով
աճը, ըստ Ն.Նազարեանի, անցած տարի սկսուած դրական տեղաշարժերի
շարունակութիւնն է: Համարեայ կրկնակի աճել են թմրավաճառների
յայտնաբերման փաստերը: 2007թ.-ի առաջին 2 ամիսներին առգրաւուել են
760 գրամ տարբեր տեսակի թմրամիջոցներ:
Անհանգստացնող է բնակարանային գողութիւնների աճը` 24 դէպքով
կամ 52%-ով: Դրանց մէջ գերակշռում են պատուհանից ներս մտնելու
միջոցով գողութիւնները` 34, փականը կոտրելու միջոցով
գողութիւնները` 16, յարմարեցուած բանալիների միջոցով
գողութիւնները` 12, բաց դռներից ներս մտնելու միջոցով
գողութիւնները` 8:
Ընթացիկ տարուայ 2 ամիսներին դիտարկուել է ավտոառեւանգումների
աճի միտում` գրանցուել է նման 28 դէպք, որից 9-ը դեռեւս չեն
բացայայտուել, 19 աւտոմեքենայ յայտնաբերուել են թալանված վիճակում: 23
դէպքում առեւանգումները կատարուել են շէնքերի բակերից, 5-ը`
փողոցներից: Դրանցից 22-ը կատարուել են գիշերային ժամերի:
Այս տարի գրանցուած գործերի բացայայտումը աճել է եւ կազմել է
83,9%` նախորդ տարուայ նոյն ժամանակահատուածի 83,1%-ի դիմաց: Ծանր
դէպքերի բացայայտումը կազմել է 71,7%` նախորդ տարուայ նոյն
ժամանակահատուածի 71,4%-ի դիմաց, առանձնապաես ծանր գործերով
բացայայտումը կազմել է 60%: