ԱՐՈՒԵՍՏԱԳԷՏՆԵՐԻՆ ՕԳՏԱԳՈՐԾԵԼՈՎ ԿՈՒՍԱԿՑՈՒԹԻՒՆՆԵՐԸ ՓՈՐՁՈՒՄ ԵՆ
ԱՒԵԼԻ ՇԱՏ ՁԱՅՆԵՐ ՀԱՒԱՔԵԼ,- ԱՍՈՒՄ Է ԵՐՈՒԱՆԴ ՄԱՆԱՐԵԱՆԸ
16-03-2007 20:57:00 | Հայաստան | Մշակոյթ
ԵՐԵՎԱՆ, 16 ՄԱՐՏԻ, ՆՈՅԵԱՆ ՏԱՊԱՆ: Արուեստագէտների
ընդգրկվածությունը կուսակցութիւնների համամասնական
ընտրացուցակներում պատահական չէ, քանի որ նրանց օգտագործելով
կուսակցութիւնները փորձում են աւելի շատ ձայներ հաւաքել: Այս
կարծիքն արտայայտեց ՀՀ ժողովրդական արտիստ Երուանդ Մանարեանը մարտի
16-ին լրագրողների հետ հանդիպմանը: Ըստ նրա, եթէ արուեստագէտը
դառնում է ինչ-որ մէկի ցանկությունների կատարողը, ապա նա «դադարում
է իսկական արուեստագէտ լինել»:
Ե.Մանարեանը նշեց, որ ինքը որեւէ կուսակցութեան քարոզարշավին
չի մասնակցելու, քանզի ԱԺ-ում ապագայ մեծամասնութիւնն արդէն
որոշուած է: «Ես մեր խորհրդարանից ոչ մի սպասելիքներ չունեմ,
որովհետեւ կարեւոր հարցերը յետագայում էլ կլուծուեն այնպէս, ինչպէս
իրենք են ցանկանում»,- ընդգծեց նա:
Ե.Մանարեանը տարակուսանք յայտնեց այն փաստի առնչութեամբ, որ
մի քանի ամիս առաջ ստեղծուած կուսակցութիւնն արդէն ունի 300 հազար
անդամ. «Այդ ինչ գաղափարախօսութիւն ունեն, որ 3 միլիոն
բնակչութիւնից 300 հազարն այդ կուսակցութեան անդամներ են»:
Բանաստեղծ Ռազմիկ Դաւոեանի խօսքերով, այսօր
կուսակցութիւններն ունեն միայն մի մտահոգութիվւն` ինչպէս անեն, որ
շատ ձայներ հավաքեն: Իսկ ժողովուրդը գնում է այն կուսակցութեան
հետեւից, որն իրեն բարեկեցիկ ապագայ է խօստանում: «Մեր ժողովուրդն
այսօր ենթարկվում է առօրեայ խոստումների եւ մի փոքր հատուցումով
մասնակցում է ընտրութիւններին: Իմ ցանկությունն է, որպէսզի
ժողովուրդը պահպանի իր արժանապատվությունը»,- նշեց Ռ.Դավոեանը: