ԵՐԵՎԱՆ, 14 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մարտի 2-8-ին Իրանում տեղի կունենայ բռնցքամարտի միջազգային խոշոր մրցաշար, որին կմասնակցեն շուրջ 30 երկրների կաշուե ձեռնոցի վարպետներ: Մրցաշարին կմասնակցեն նաեւ Հայաստանի բռնցքամարտիկները: Մրցաշարին նախապատրաստուելու նպատակով փետրուարի 14-ից 25 բռնցքամարտիկներ ուսումնամարզական հաւաք սկսեցին Արարատի «Այգ» մարզաբազայում: Հաւաքականի գլխաւոր մարզիչ, ԽՍՀՄ վաստակաւոր մարզիչ Ռաֆիկ Մեհրաբեանը «ՆՈՅԵԱՆ ՏԱՊԱՆ»-ի թղթակցին յայտնեց, որ թիմը նախապատրաստական 1-ին փուլն անցկացրել է Ծաղկաձորում, որտեղ բարելաւուել է մարզիկների ընդհանուր ֆիզիկական պատրաստականութիւնը: Արարատում անցկացուող հաւաքի ընթացքում ուշադրութիւն կդարձուի բռնցքամարտիկների տեխնիկատակտիկական զինանոց համալրմանը եւ վարպետութեան հղկմանը:

---