2006 Թ.-ԻՆ ՀՀ ՔԱՂԱՔԱՑԻՈՒԹՅՈՒՆ ԵՆ ԸՆԴՈՒՆԵԼ 1198 ՓԱԽՍՏԱԿԱՆՆԵՐ
31-01-2007 19:40:00 | Հայաստան | Հասարակութիւն
ԵՐԵՎԱՆ, 31 ՅՈՒՆՎԱՐԻ, ՆՈՅԵԱՆ ՏԱՊԱՆ: 2005թ.-ից իրականացուող
«1988-1992թթ.-ին Ադրբեջանից բռնագաղթած անձանց բնակարանային
ապահովութեան» պետական ծրագրի շրջանակներում մինչ օրս բնակարանի
ձեռք բերման վկայագրեր են ստացել փախստականների 600 ընտանիքներ:
Ինչպէս յունվարի 31-ի ասուլիսում յայտնեց ՀՀ Տարածքային կառավարման
նախարարութեան Միգրացիոն գործակալութեան պետ Գագիկ Եգանեանը,
ծրագրով նախատեսուած է մշտական օթեւանով ապահովել 3300 փախստական
ընտանիքների: Նա նշեց, որ ծրագիրը այս տարի Աբովեանում
իրականացնելու համար պետբիւջէից կյատկացուի 819 մլն դրամ (մօտ 2,2
մլն ԱՄՆ դոլար): Իսկ 2008թ.-ին այն կիրականացուի նաեւ Երեւանում:
Գ.Եգանեանը յայտնեց նաեւ, որ 2006թ.-ին ՄԱԿ-ի Փախստականների
հարցերով Գերագոյն յանձնակատարի հայաստանեան գրասենեակի տրամադրած
միջոցներով բնակարաներով ապահովել են 79, իսկ Փախստականների
Նորուեգական խորհրդի միջոցներով` 149 փախստական ընտանիքներ:
Նշուեց նաեւ, որ 2006թ.-ին ՀՀ քաղաքացիություն են ընդունել
1198 փախստականներ: Իսկ ընդհանուր առմամբ մինչ օրս ՀՀ
քաղաքացիություն է ընդունել 75 հազար փախստական: