Կուբանի բնակչուհին կկանգնի դատարանի առաջ հայերին
վիրաւորելու համար
13-12-2009 17:12:00 | Ռուսաստան | Հասարակութիւն
ԿՐԱՍՆՈԴԱՐ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Կրասնոդարի երկրամասի Կավկազսկայա ստանիցայի բնակչուհին կկանգնի
դատարանի առաջ խանութի պատին գրութիւն գրելու մեղադրանքով, որը,
նախաքննութեան վարկածի համաձայն, «նվաստացնում է հայ ժողովրդի
ներկայացուցիչներին», երեքշաբթի հաղորդել է Կրասնոդարի երկրամասի
քննչական վարչութեան մամլոյ ծառայութիւնը:
Գործն ուղարկուել է դատարան անցած ուրբաթ:
Ըստ նախաքննութեան, ստանիցայի 29-ամեայ բնակչուհին «Ույուտ»
խանութի պատին գրել է արտայայտութիւն, որը հայ ժողովրդի բոլոր
ներկայացուցիչների նկատմամբ բացասական գնահատական է պարունակում:
Քննիչները յայտարարում են, որ ամբաստանեալը «դիտաւորութիւն է
ունեցել նվաստացնելու մարդկային արժանապատվությունը ազգային
յատկանիշներով»: Ընդ որում նրա գրութիւնը «տեսանելի է եղել
բազմաթիւ մարդկանց, որ ապրում են կուբանյան այդ ստանիցայում»:
Կնոջը մեղադրում են ՌԴ ՔՕ 282-րդ յօդուածի 1-ին մասով
նախատեսուած հանցագործութիւն կատարելու մէջ (մարդկային
արժանապատվության ստորացում ըստ ազգային յատկանիշների), որը
նախատեսում է մինչեւ երկու տարուայ ազատազրկում:
Ինչպէս հաղորդում է yerkramas.org-ը, գործն ուղարկուել է
Կավկազսկի շրջանային դատարան: Մեղադրեալը չմեկնելու ստորագրութիւն
է տուել: