Անցկացուել է Հեռուստատեսութեան եւ ռադիոյի ազգային
յանձնաժողովի անդամների չորս թափուր տեղերի համար յայտարարուած
մրցոյթը
27-11-2009 20:24:00 | Հայաստան | Հասարակութիւն
ԵՐԵՎԱՆ, 27 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանի Ազգայիա
Ժողովում նոյեմբերի 27-ին անցկացուել է Հեռուստատեսութեան եւ
ռադիոյի ազգային յանձնաժողովի անդամների չորս թափուր տեղերի համար
յայտարարուած մրցոյթը:
«Հեռուստատեսութեան եւ ռադիոյի մասին» օրէնքում կատարուված
փոփոխութիւնների եւ ԱԺ կանոնակարգի համաձայն` Ազգային ժողովի
անդամների կէսին այսուհետեւ մրցութային կարգով եւ վեց տարի
ժամկէտով ընտրելու է Ազգային ժողովը, իսկ միւս կէսին` կրկին վեց
տարի ժամկէտով, նշանակելու է հանրապետութեան նախագահը:
Համամասնօրէն խորհրդարանի քաղաքական ուժերը ներկայացնող
մրցութային յանձնաժողովը կազմուած է 6 անդամներից. Սուրէն
Գեւորգեանը, ով նաեւ յանձնաժողովի նախագահն է, եւ Կարեն Աղամեանը
ներկայացնում են ՀՀԿ-ն, Արամ Յովհաննիսեանը` «Բարգաւաճ Հայաստան»
կուսակցութիւնը, Մանուէլ Մկրտչեանը` ՀՅԴ կուսակցութիւնը,
Լիւդմիլա Մելիքեանը` ՕԵԿ-ը, Ալեն Սիմոնեանը` «Ժառանգութիւն»
կուսակցութիւնը:
Մրցոյթին մասնակցում էին 8 թեկնածու` Կարեն Վարդանեանը, Հայկ
Քոթանյանը, Գեւորգ Յարութիւնեյանը, Գոհարիկ Արշակեանը, Կորիւն
Առաքելեանը, Արմէն Մկրտչեանը, Արամ Մելքոնեանը եւ Սպարտակ
Ղարաբաղցեանը: Երկու` թեսթային եւ բանաւոր փուլով անցկացուող
մրցոյթի արդիւնքում յաղթող ճանաչուած մասնակիցները ԱԺ առաջիկայ
քառօրյայի ընթացքում կներկայացուեն պատգամաւորներին, եւ Ազգային
ժողովը որոշմամբ կընտրի յանձնաժողովի անդամներին:
Թեսթային փուլում մրցոյթի բոլոր մասնակիցները, բացառութեամբ
Սպարտակ Ղարաբաղցեանի, յաղթահարեցին անհրաժեշտ միաւորների 90
տոկոսանոց շեմը եւ կներկայացուեն խորհրդարանի ընտությանը:
Մրցոյթում յաղթած եօթ մասնակիցներն անցան նաեւ հարցազրոյցի
փուլը:
ՀՀ ԱԺ-ի հաղորդագրութիւնում նշւում է, որ բանաւոր փուլի
արդիւնքները թէեւ պատգամաւորներին կօգնեն կողմնորոշուել
ընտրություն կատարելիս, բայց թեսթերի արդիւնքների վրայ որեւէ
ազդեցութիւն չունեն: