Հ.Յակոբեան. Մաշտոցի խօսքի մշակոյթի կենտրոնը կարողանում է
շարունակել իր ճշմարիտ ուղին շնորհիւ իր մեծ ոգու, ջերմությանն
ու ցանկութեանը
16-11-2009 21:30:00 | Հայաստան | Մշակոյթ
ԵՐԵՎԱՆ, 16 ՆՈՅԵՄԲԵՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Նոյեմբերի
16-ին Երեւանի Կոմիտասի անուան կամերային երաժշտութեան տանը տեղի
ունեցաւ Մեսրոպ Մաշտոցի անուան խօսքի մշակոյթի կենտրոնի 10-ամեայ
յոբելեանական երեկոն` «Մայրենիի անաղարտութեան պահպանումը
գեղարուեստի ներուժով» խորագրով: Կենտրոնն իր 10-ամեայ
գործունէութեան ընթացքում իր շուրջն է համախմբել երիտասարդների,
ովքեր անվճար ստանում են հայոց լեզուի եւ խոսքարվեստի կրթութիւն:
Յոբելեանական հանդիսութեանը հնչեցին մի շարք շնորհաւորական խօսքեր:
Հանդիսութեանը հրաւիրուած էր նաեւ ՀՀ սփիւռքի նախարար Հ.Յակոբեանը:
Կարեւորելով կենտրոնի` յանձինս նրա հիմնադիր ղեկավար Նիդիա
Անտոնեանի հայանպաստ գործունէութիւնը, նախարարը մասնաւորապէս
նշեց, որ 10 տարիների ընթացքում շատ կազմակերպութիւններ են
ստեղծուել ու անցել ժամանակի հետ, սակայն Մաշտոցի խօսքի մշակոյթի
կենտրոնը կարողացել է շարունակել իր ճշմարիտ ուղին, որովհետեւ
ոգին, ջերմութիւնն ու ցանկութիւնը մեծ է եղել:
Կենտրոնը ստացաւ սփիւռքի նախարարութեան, կրթութեան եւ
գիտութեան նախարարութեան լեզուի պետական տեսչության, Երեւանի
պետական համալսարանի պատվորգրեր, ինչպէս նաեւ արժանացավ Հայաստանի
Հանրապետութեան մշակոյթի նախարարութեան ոսկէ մեդալ: