Յաջորդ տարուայ գարնանը նախատեսւում է Հայաստանում կազմակերպել
Վիկ Դարչինեանի մենամարտերից մէկը
02-09-2009 14:18:00 | Հայաստան | Սպորտ
ԵՐԵՎԱՆ, 2 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի նախագահ Սերժ
Սարգսեանը սեպտեմբերի 1-ին ընդունել է հանրաճանաչ պրոմոութեր Գերի
Շովին, ով նաեւ բռնցքամարտի գերթեթեւ քաշային կարգում աշխարհի
չեմպիոն Վիկ Դարչինեանի պրոմոութերն է: Ըստ ՀՀ նախագահի Մամլոյ
գրասենեակի հաղորդագրութեան, զրույցին մասնակցել են Վ.Դարչինեանը
եւ ԱԺ պատգամաւոր, ՀԱՕԿ-ի նախագահ Գագիկ Ծառուկյանը:
Գ.Շոուն ՀՀ նախագահին տեղեկացրել է, որ մտադիր է յաջորդ տարուայ
գարնանը Հայաստանում կազմակերպել Վ.Դարչինեանի մենամարտերից մէկը`
նշելով, որ Հայաստանում դեռեւս պրոֆեսիոնալ բռնցքամարտի մարտեր չեն
անցկացուել:
Ողջունելով այդ գաղափարը, Ս.Սարգսեանը պատրաստակամութիւն է
յայտնել աջակցել ծրագրի իրականացմանը: Նա վստահութիւն է յայտնել,
որ այն մեծ յաճոյք կը պատճառի պրոֆսիոնալ բռնցքամարտի բազմաթիւ
երկրպագուներին, ինչպէս նաեւ Հայաստանը եւս մէկ անգամ աշխարհին
ներկայացնելու լաւ առիթ կլինի: