Դագոմիսի միջազգային փառատոնում յաղթանակել է հայկական
երաժշտական կոլեկտիւը
15-07-2009 18:10:00 | Ռուսաստան | Մշակոյթ
ԴԱԳՈՄԻՍ, 15 ՅՈՒԼԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Դոնի
Ռոստովի «Բարրակուդա» երաժշտական ինքնագործունէութեան հայկական
համոյթը յաղթանակով է վերադարձել Դագոմիսից (Կրասնոդարի
երկրամաս), որտեղ անցկացւում էր «Բարձր ալիքի վրայ» արուեստի
միջազգային փառատոնը: Միջոցառմանը կոլեկտիվներ էին մասնակցում
Ռուսաստանից, Ղազախստանից, Ուկրաինայից, Բելոռուսիայից եւ
Հայաստանից: Ինչպէս հաղորդում է Ռուսաստանի հայերի «Երկրամաս»
թերթը, ոճի սահմանափակումներ չեն եղել, նվագել են եւ դասական, եւ
ազգագրական երաժշտություն:
Փառատոնի մեծ մրցանակը նվաճած ռոստովյան կոլեկտիւի
եզակիությունը այն է, որ նրանք համադրում են, ասես, «անհամադրելի»
տարաշխարհիկ գործիքներ` հայկական դուդուկն ու դհոլը, հնդկական
տաբլա թմբուկները, աֆրիկեան ուդու կավե թմբուկները, արաբական
զյարբը, կոնգոն, մարակասիները եւ շատ ուրիշներ: Կոլեկտիւը
ունիվերսալ է եւ աչքի է ընկնում ոճերի եւ մշակոյթների
միախառնմամբ: Հենց դա էլ օգնել է դոնյան երաժիշտներին նուաճել մեծ
մրցանակը: