ՀԱԼԵՊ, 22 ՄԱՅԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Հալեպում
ապրիլի 12-ին վախճանուել է տաղանդաւոր խմբավար, երգարվեստի անխոնջ
մշակ Պողոս Աբաջեանը:
Հալեպի բեմահարթակներից 1969 թուականին առաջին անգամ հնչել են
«Զվարթնոց» երգչախմբի համերգները` Երեւանի Կոմիտասի անուան
կոնսերուատորիայի շրջանաւարտ, երիտասարդ խմբավար Աբաջեանի
ղեկավարութեամբ: Այդ օրերից ի վեր հալեպահայությունը
անհամբերութեամբ սպասել է Աբաջեանի համերգներին` հայաշունչ երգերով
լիցքավովելու համար,- գրում է «Մարմարան»` վկայակոչելով
«Ասպարէզ»-ը:
«Զվարթնոց» երգչախմբի կատարմամբ հնչել են հայ երգարվեստի
գոհարները, դասական երաժշտութեան բարձրարժէք հատուածներ, արաբերէն
երգերի բազմաձայն կատարումներ` դաշնամուրի նուագակցութեամբ, որ
արժանացել են երաժշտագետների բարձր գնահատականին:
Աբաջեանը դասաւանդել է Կարեն Էպպե ճեմարանում ու Պետական
կոնսերվատորիայում: Այնուհետեւ հիմնել է իր «Նարեկացի»
երգչախումբը, համերգներով նպաստել է հայ երգչախմբային արուեստի
տարածմանը ոչ միայն Հալեպում, այլեւ Դամասկոսում, Բեյրութում,
Լաթաքիայում, Քեսաբում եւ Քամիշլիում:
Յատկանշական էր նրա խմբավարությամբ «Լուսաւորիչ» եգչախմբի
ելոյթը` Հայաստանում Քրիստոնեության ընդունման 1700-ամեակի առթիւ
եւ Դեր Զորում քառաձայն պատարագը` Հայոց երկու Վեհափառներ Գարեգին
Բ-ի եւ Արամ Ա-ի վսեմաշուք ներկայութեամբ: