Թուրքիայի պատանեկան հաւաքականը հինգ մեդալ է ակնկալում
նուաճել Երեւանում կայանալիք աշխարհի առաջնութիւնում
21-05-2009 18:26:00 | Հայաստան | Սպորտ
ԵՐԵՎԱՆ, 21 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 21-ի Երեւան է
ժամանել Թուրքիայի բռնցքամարտի պատանեկան հաւաքականը, որը
ներկայացուցիչներ է հայտավորել 2009թ.-ի աշխարհի առաջնութեան բոլոր
13 քաշային կարգերում:
«Մեր թիմը բաւական լաւ է պատրաստուած եւ ֆիզիկապէս, եւ
հոգեբանօրէն, տղաները լաւ մարզավիճակում են: Այս առաջնութիւնում
մենք ակնկալում ենք նուաճել նուազագոյնը հինգ մեդալ»,- ԱԻԲԱ
բռնցքամարտի աշխարհի առաջնութեան պաշտօնական կայքի թղթակցին ասել է
Թուրքիայի բռնցքամարտի պատանեկան հաւաքականի աւագ մարզիչ, 1996թ.-ի
Ատլանտայի Օլիմպիադայի փոխչեմպիոն Մալիկ Բեյլարօղլուն:
Նրա խօսքերով` Թուրքիայի հաւաքականն աշխարհի առաջնութեան
նախապատրաստական շրջանում անցկացրել է մի քանի ուսումնամարզական
հաւաք Ռուսաստանի, Ուկրաինայի եւ Բուլղարիայի հասակակիցների հետ:
Ըստ Հայաստանի բռնցքամարտի ֆեդերացիայի Մամուլի կենտրոնի
հաղորդագրութեան, անցած գիշեր եւ մայիսի 21-ի առաւօտեան Հայաստան
են ժամանել եւս 9 երկրների` Աուստրալիայի, Չինաստան Թայփիի,
Անգլիայի, Գերմանիայի, Բուլղարիայի, Պուերտո Ռիկոյի, Բելառուսի,
Կորեայի եւ Մարոկկոյի, հաւաքականները: