ԵՐԵՎԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Հայաստանի բնակչութեանը մատուցուած ծառայութիւնների ոլորտում 2009թ.-ի մարտին փետրուարի համեմատ գրանցուած սակագների 1% հավելաճը հիմնականում պայմանաւորուել է բուժսպասարկման`1,3%, մշակոյթի ոլորտի` 3,2%, տրանսպորտի` 3,6% (կապուած օդային տրանսպորտի ծառայութիւնների սակագների 12,9% յաւելաճի հետ) ծառայութիւնների սակագների յաւելաճով: ՀՀ Ազգային վիճակագրական ծառայութեան տուեալներով, հանրային սննդի եւ կենցաղային ծառայութիւնների ոլորտում նշուած ժամանակահատուածում արձանագրուել է սակագների, համապատասխանաբար, 0,4% եւ 0,9% յավելաճ: Կապի ծառայութիւնների սակագները նուազել են 0,1%-ով, իսկ բնակարանային-կոմունալ, կրթութեան համակարգի, հանգստի կազմակերպման, իրաւական ու բանկային ծառայութիւնների սակագները փետրուարի համեմատ մնացել են անփոփոխ:

---