«Ղ-Տելեկոմ»-ը չի յետաձգի իր ծրագրերի իրականացման ժամկէտները
25-03-2009 22:25:00 | Հայաստան | Տնտեսութիւն
ԵՐԵՎԱՆ, 25 ՄԱՐՏԻ, ՆՈՅԵԱՆ ՏԱՊԱՆ: Հայաստանի
հեռահաղորդակցության ոլորտի օպերատոր «Ղ-Տելեկոմ» ընկերութիւնը չի
յետաձգելու իր ծրագրերի իրակամացման ժամկէտները: Այս մասին մարտի
25-ին յայտարարեց «Ղ-Տելեկոմ» ընկերութեան գլխաւոր տնօրէն Ռալֆ
Յիրիկյանը:
Նրա խօսքերով, ընկերութիւնը շարունակելու է իր ծրագրերը`
ծախսերը նուազեցնելու եւ եկամուտների մակարդակը պահպանելու
ուղղութեամբ քայլեր կատարելով:
«Ղ-Տելեկոմ»-ի գլխաւոր տնօրէնը պարզաբանեց, որ
ֆինանսատնտեսական ճգնաժամամի ազդեցութեան հետեւանքով բաժանորդների
եկամուտները նուազել են: Իսկ դրամի արժեզրկման ազդեցութիւնն այն է,
որ ծառայութիւնների դիմաց աւելի շատ դրամային միջոցներ պէտք է
հավաքվեն, որպէսզի նախկինին համարժէք դոլարային միջոցներ հավաքվեն`
արտերկրի ծառայութիւններ մատուցողներին եւ մատակարարներին
վճարելու համար: Միաժամանակ, ներքին եւ արտաքին շուկաներում
թանկացել են որոշ ծառայութիւնների գներ: Եւ այս պայմաններում
«Ղ-Տելեկոմ»-ը փորձում է պահպանել եկամուտների մակարդակը` ոչ թէ
ծառայութիւնների գները բարձրացնելով, այլ` նուազեցնելով եւ
հետաձգելով ծախսերը:
Նշուեց, որ 2008թ.-ի 4-րդ եռամսյակում 2007թ.-ի նոյն
եռամսյակի համեմատ «Ղ-Տելեկոմ»-ի եկամուտները նուազել են մօտ շուրջ
13-13,5%-ով:
Անդրադառնալով նոր ծառայութիւնների մատուցման հարցին`
ընկերութեան գլխաւոր տնօրէնը յայտնեց, որ ներկայումս Երեւանում,
Գիւմրիում եւ Վանաձորում փորձարկվում են «Ղ-Տելեկոմ»-ի նոր` 3G,
ծառայութիւնները, որոնց մատուցումը նախատեսւում է սկսել մի քանի
շաբաթ յետոյ: Նա հաւաստեց, որ ընկերութիւնն 2009թ.-ի համար եւս
ունի նոր ծառայութիւնների մատուցումն սկսելու «հարուստ ծրագիր»:
Ռ.Յիրիկյանի տուեալներով, «Ղ-Տելեկոմ»-ը ներկայումս ունի մօտ 2 մլն
65 հազար բաժանորդ: