Ապահովագրական «Յունիռեսո» եւ հանքարդյուանբերական «Գեգամետ»
ընկերութիւնների ծրագրերի իրականացումն ընթանում է ըստ
ժամանակացոյցի
19-03-2009 23:05:00 | Հայաստան | Տնտեսութիւն
ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: Ապահովագրական «Յունիռեսո»
եւ հանքարդյուանբերական «Գեգամետ» ընկերութիւնների ծրագրերի
իրականացումն ընթանում է ըստ ժամանակացոյցի: Ծրագրերի նախաձեռնող
«Յունիինվեստ» ընկերութեան տնօրէն, հայկական «Յունիբանկ»-ի խորհրդի
նախագահ եւ բանկի հիմնադիր ռուսաստանեան «Յունիաստրում Բանկ»-ի
նախագահ Գագիկ Զաքարյանը, պատասխանելով «ՆՈՅԵԱՆ ՏԱՊԱՆ»-ի թղթակցի
հարցերին` նշեց, որ «Յունիռեսո»-ն կսկսի աշխատել մօտ ժամանակներս:
Նրա խօսքերով, ամէն ինչ պատրաստ է ապահովագրական ընկերութեան
աշխատանքն սկսելուն, 2 մլն դոլար ծաւալով կապիտալը ներդրուել է:
Ներկայումս մշակւում են ընկերութեան հիմնական ծրագրերը եւ
ծառայութիւնների մատուցման պայմանները:
Նշուեց, որ «Յունիռեսո»-ն սկզբնական փուլում կզբաղուի
աւտոմեքենաների, անշարժ գոյքի եւ սարքավորումների
ապահովագրութեամբ, իսկ 2010թ.-ից նախատեսւում է մատուցել նաեւ
կեանքի եւ առողջութեան ապահովագրական ծառայութիւններ:
Ըստ Գ.Զաքարյանի, «Գեգամետ»-ի համար ձեռք է բերուած
սարքավորումների մօտ 30%-ը, ներկայումս իրականացւում է
հանքարդյունահանման աշխատանքների եւ կառուցուելիք գործարանի
նախագծումը, ՀՀ պատկան մարմիններից ստացւում են ընկերութեան
գործունէութեան ծաւալման համար անհրաժեշտ լիցենզիաները եւ
թույլտվությունները:
«Կարծում եմ, որ 2009թ.-ի ամռանը կսկուի հանքավայրի
շահագործումը եւ գործարանի շինարարութիւնը»,-յայտնեց նա:
Յիշեցնենք, որ նշուած ծրագրերի իրականացման մեկնարկը տալու
մասին յայտարարուել էր 2008թ.-ի նոյեմբերին:
«Յունիռեսո»-ի հիմնադիրներն են Գ.Զաքարյանը եւ ռուսաստանեան
«Ռեսո-Գարանտիա» ապահովագրական ընկերութեան հիմնադիր Սերգեյ
Սարկիսովը: Գ.Զաքարյանը նշել էր, որ առաջիկայ երկու-երեք տարուայ
ընթացքում «Յունիռեսո» կանոնադրական կապիտալը ծաւալը նախատեսւում է
հասցնել 10 մլն դոլարի:
«Գեգամետ»-ի ներդրումային ծրագրի արժողութիւնը 25 մլն ԱՄՆ
դոլար է: Այն համատեղ իրականացնում են «Յունիաստրում Բանկ»-ը,
«Յունիբանկ»-ը, հայկական «Metta Group» եւ Բրիտանական Վիրջինյան
կղզիների «Torront Holdings Limited» ընկերութիւնները:
Ներդրումային նախագիծը ներառում է Շորժայի եւ Ջիլի երկաթ-քրոմի
հանքավայրերի շահագործումը, լեռնահարստացման կոմբինատի կառուցումը,
հրակայուն աղիւսների /տարեկան 20 մլն հատ հզորութեամբ/, ցեմենտի
ստացման հաւելանիւթերի /տարեկան 150 հազար տոննա հզորութեամբ/,
քրոմի խթանյութի /տարեկան 50 հազար տոննա հզորութեամբ/ եւ
երկաթաքրոմի /տարեկան 20 հազար տոննա հզորութեամբ/ գործարանների
շինարարութիւնը: Հնարաւոր է համարուել նաեւ նշուած հանքավայրերի
հանքանիւթից ոսկու եւ պլատինի կորզումը: Նախատեսւում է, որ
«Գեգամետ»-ի ծրագրերի իրականացման արդյուքնում կստեղծուի 500
աշխատատեղ: