Ռեցեսիան ԱՄՆ-ում կարող է աւարտուել արդէն 2009 թուականի վերջին
17-03-2009 13:31:00 | ԱՄՆ | Միջազգային
ՎԱՇԻՆԳՏՈՆ, 17 ՄԱՐՏԻ, ՆՈՅԵԱՆ ՏԱՊԱՆ: ԱՄՆ-ի դաշնապետական
ռեզերվային համակարգի (ԴՌՀ) ղեկավար Բեն Բեռնանկեն կարծիք է
յայտնել, որ Միացեալ Նահանգներում ռեցեսիան կարող է աւարտուել արդէն
2009 թուականին, եթէ կառավարութիւնը հաջողութեամբ սատարի բանկային
համակարգին:
«Մենք ունենք ծրագիր: Աշխատում ենք դրա վրայ, եւ կարծում եմ,
որ իրավիճակը կկայունանայ, եւ ռեցեսիան, հնարաւոր է, աւարտուի տարուայ
վերջին»,- ասել է Բեռնանկեն CBS հեռուստաալիքին տուած
հարցազրոյցում:
Սակայն, ԴՌՀ-ի ղեկավարի կարծիքով, ռեցեսիայի աւարտը ընթացիկ
տարում եւ տնտեսական վերելքի սկիզբը յաջորդ տարի հնարաւոր է մի
շարք պայմանների կատարման դէպքում` բանկերին նորից հնարաւորութիւն
տալ աւելի ազատօրէն վարկեր եւ փոխառություններ տրամադրել եւ
ապահովել ֆինանսական շուկաների կայունութիւնը: