Ն.Երիցյան. Հայաստանն ունի դեղագործութեան եւ զբօսաշրջութեան
ոլորտները զարգացնելու ներուժ
07-03-2009 21:35:00 | Հայաստան | Տնտեսութիւն
ԵՐԵՎԱՆ, 7 ՄԱՐՏԻ, ՆՈՅԵԱՆ ՏԱՊԱՆ: ՀՀ տնտեսութեան արտահանման
ներուժի մեծացման եւ դիվերսիֆիկացման տեսակետից շատ կարեւոր են
տեղեկատուական եւ բարձր տեխնոլոգիաների, զբօսաշրջութեան եւ
դեղագործութեան ոլորտները: Դեղագործութեան ոլորտում արտադրութեան
ծաւալները մեծացնելու հնարաւորութիւնները կապուած են համաշխարհային
շուկայի աճող պահանջարկի հետ: Այս մասին մարտի 7-ին յայտնեց ՀՀ
էկոնոմիկայի նախարար Ներսէս Երիցյանը` ՀՀ նախագահ Սերժ Սարգսեյանի
«Լիկվոր» դեղագործական ընկերութիւն այցից յետոյ:
Նախարարը պարզաբանեց, որ զանգվածային արտադրութեան դեղերի
համաշխարհային շուկան տարէցտարի ընդլայնվելու է, մեծանալու է
առողջապահական ծառայութhւների պահանջարկը եւ ներկայումս աշխարհում
կայ դեղերի որոշակի պակասուրդ: «Արտադրական, տեխնոլոգիական եւ
գիտական հնարաւորութիւններ, բարձր գիտելիքներով օժտուած աշխատուժ,
կադրերի պատրաստման համալսարանական ներուժ ունեցող երկրները
դեղագործութեան եւ զբօսաշրջութեան ոլորտները սահմանում են որպէս
առաջնահերթութիւն: Մենք այդ ներուժն ունենք, եւ հոյս ունենք, որ
դրա զարգացմանը զուգընթաց հնարաւոր կլինի անցում կատարել մեր
կողմից ստեղծուած դեղերի վաճառքին: Բայց դրան հասնելու համար
ժամանակ կայ»,-նշեց Ն.Երիցյանը:
Նրա խօսքերով, Հայաստանի դեղագործութեան ոլորտի
ընկերութիւնները նշուած ներուժի օգտագործման շնորհիւ կարող են արագ
ընդլայնվել, ներդրումներ կատարել գիտատեխնոլոգիական մշակումների
մէջ եւ թողարկել սեփական ապրանքանիշով դեղորայքի մի քանի տեսակներ`
շատ աւելի բարձր գնով: Նշուեց նաեւ, որ հայկական ընկերություններն
ունեն նաեւ ներքին շուկայում առաջին անհրաժեշտութեան դեղերի
շուկայի որոշակի նիշը ծածկելու հնարաւորութիւն:
Ն.Երիցյանը նաեւ յաւելեց, որ տնտեսութեան բոլոր ոլորտների
ձեռնարկութիւններն ունեն արտահանման եւ շուկայավարման խնդիրներ,
որոնք լուծելու համար կառավարութիւնը նախատեսում է ցուցաբերել
նաեւ ինստիտուցիոնալ օժանդակություն` Զարգացման հայկական
գործակալութեան, Մրցունակութեան ազգային խորհրդի կարողութիւնները
գործադրելով: