ՈՒՍՏԻ ՆԱԴ ԼԱԲԵՄ, 12 ՄԱՅԻՍԻ, ՆՈՅԵԱՆ ՏԱՊԱՆ: Չեխական Ուստի Նադ Լաբեմ քաղաքում մայիսի 12-ին մեկնարկել է բռնցքամարտի միջազգային մրցաշար, որին մասնակցում են նաեւ ութ հայ մարզիկներ` Յովհաննէս Դանիելեանը (48 կգ), Դերենիկ Գիժլարեանը (51 կգ), Ազատ Յովհաննիսեանը (57 կգ), Արա Պուլուզյանը (60 կգ), Հրաչիկ Ջավախյանը (64 կգ), Սամուէլ Մաթեւոսեանը (69 կգ), Անդրանիկ Յակոբեանը (75 կգ) եւ Ցոլակ Անանիկեանը (91 կգ): Ըստ Հայաստանի Բռնցքամարտի ֆեդերացիայի Մամուլի կենտրոնի հաղորդագրութեան, մրցաշարի արդիւնքներից ելնելով հաւաքականի աւագ մարզիչ Ռաֆայէլ Մեհրաբեանը կձեւավորի ազգային թիմի կազմը, որն այս տարուայ օգոստոսին կմասնակցի Միլանում կայանալիք աշխարհի առաջնութեանը:

---