ԲՐԻՒՍԷԼ, 26 ՅՈՒՆՎԱՐԻ, ՆՈՅԵԱՆ ՏԱՊԱՆ: Բրիւսէլի Եւրոպական
թաղամասում գտնուող «Espace Senghor» մշակոյթային կենտրոնում
յունվարի 24-ին սկսուել են Հայկական մշակոյթի օրերը: Մէկ շաբաթուայ
ընթացքում եւրոպացի հանդիսատեսին կներկայացուեն հայկական մշակոյթի
տարբեր ոլորտները` նկարչական արուեստը, երաժշտութիւնը, պարը,
կինոն:
Ըստ ՀՀ ԱԳՆ Մամուլի եւ տեղեկատուութեան վարչութիւնից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, միջոցառումների շարքում
առաջինը բացուել է Նորիկ Անտոնեանի անհատական ցուցահանդէսը, ապա
տեղի է ունեցել ֆրանսիացի ռեժիսորներ Մ.Բիսոյի եւ Դ. Մարտենսի
նկարահանած «Ոգու ճանապարհները. Եղիշ Մանուկեան» ֆիլմի
ցուցադրումը, որը պատմում է ԱՄՆ-ում բնակուող յայտնի դուդուկահար
Եղիշ Մանուկեանի Հայաստան կատարած ճամփորդության մասին:
Առաջիկն օրերի ընթացքում բրյուսելցիները կկարողանան ունկդրել
«Հայ երաժշտութեան գլուխգործոցներ» համոյթի եւ «Արաքս» պարի
համոյթի կատարումները, կդիտեն Ռ.Գեդիկյանի «Ճանապարհորդութիւն
դէպի Հայաստան» ֆիլմը:
«Espace Senghor»-ում տեղի ունեցող մշակոյթային
միջոցառումները Բելգիայում հայկական մշակոյթին նուիրուած այս տարի
ծրագրուած միջոցառումներից առաջինն են: