2006 Թ.-ԻՆ ՀՀ ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹԻՒՆԸ ՀԱՎԱՔԱԳՐԵԼ Է
220 ՄԼՐԴ 683 ՄԼՆ ԴՐԱՄԻ ԵԿԱՄՈՒՏՆԵՐ
25-01-2007 18:20:00 | Հայաստան | Տնտեսութիւն
ԵՐԵՎԱՆ, 25 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ին ՀՀ
կառավարութեանն առընթեր Հարկային պետական ծառայութեան կողմից
հավաքագրվել են 220 մլրդ 683 մլն դրամ (մօտ 604 մլն ԱՄՆ դոլար)
եկամուտներ` ծրագրաւորուած 220 մլրդ 417 մլն դրամի դիմաց, կամ
գերակատարումը կազմել է շուրջ 266 մլն դրամ: 2005թ.-ի համեմատ
փաստացի աճը կազմել է շուրջ 47 մլրդ դրամ (կամ 27%): ՀՀ վարչապետին
ներկայացրած հաշուետւութեան համաձայն, հարկային եկամուտների աճը
վերջին տարիների կտրուածքով ունեցել է կայուն եւ համաչափ բնոյթ:
Ըստ հաշվետության, դրական տեղաշարժ է արձանագրուել նաեւ
հավաքագրված հարկերի կառուցուածքում, մասնաւորապէս, աճել է ուղղակի
հարկերի տեսակարար կշիռը (շահութահարկ, եկամտահարկ), ինչն
ապահովել է առանց հարկերի դրոյքաչափերի փոփոխությանն տնտեսական
աճի եւ հարկային վարչարարության բարելաւման, ստուերային
շրջանառութեան հարկման հաշուին: Բացի այդ, 2006թ.-ին ծառայութիւնը
շարունակել է ուշադրութեան կենտրոնում պահել ռիսկային`
մասնաւորապէս, շինարարութեան, հանքարդյունաբերության, տրանսպորտի,
առեւտրի եւ հանրային սննդի, գազի, ոլորտները:
2006թ.-ին, ծառայութեան կողմից դատարաններ ներկայացուած
բռնագանձման հայցերով կայացուել է 1021 վճիռ, որից 903-ը բաւարարուել
է: