ՀՀ ԱՌՈՂՋԱՊԱՀՈՒԹԵԱՆ ՆԱԽԱՐԱՐՈՒԹԵԱՆ 2006 Թ.-Ի ԱՇԽԱՏԱՆՔԸ
ՎԱՐՉԱՊԵՏԸ ԳՆԱՀԱՏԵԼ Է «ԲԱՒԱՐԱՐ»
23-01-2007 18:00:00 | Հայաստան | Հասարակութիւն
ԵՐԵՎԱՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ին առաջին անգամ
հանրապետութեան ազգաբնակչութեան համար առաջնային
(ամբուլատոր-պոլիկլինիկական) բուժօգնութեան, ինչպէս նաեւ 65
տարեկանից բարձր տարիքային խմբում ստոմատոլոգիական օգնութեան
տրամադրումն իրականացուել է պետական պատուէրի շրջանակներում:
Յունվարի 22-ին վարչապետին ՀՀ Առողջապահութեան նախարարութեան
ներկայացրած հաշուետւութեան համաձայն, առողջապահութեան 39,4 մլրդ
դրամ (մօտ 107 մլն ԱՄՆ դոլար) կազմող բիւջէից 1 մլրդ դրամը
յատկացուել է համակարգի հաստատութիւնները նորագոյն
բուժսարքաւորումներով համալրմանը: Շարունակուել է ընտանեկան
բժշկութեան համակարգի ներդրումը:
Ըստ հաշուետւութեան, 2006թ.-ին հանրապետութիւնում
համաճարակային իրավիճակը համեմատաբար հանգիստ է եղել: Զգալի
աշխատանքներ են կատարուել տուբերկուլյոզի դէմ պայքարի
2003-2006թթ.-ի ազգային ծրագրի իրականացման, ոլորտի իրաւական դաշտի
բարելաւման ուղղութեամբ:
Վարչապետ Անդրանիկ Մարգարեանը յանձնարարել է ուշադրութիւն
դարձնել յատկապէս մարզային բուժական հաստատութիւնների զարգացմանը,
պետական պատուէրի շրջանակներում դրանց առաւել լայն ըդգրկմանը:
Վարչապետը նախարարութեան 2006թ.-ի աշխատանքը գնահատել է
«բաւարար»: