ՇԻՐԱԿԻ ՄԱՐԶԻ ՍԱՌՆԱՂԲՅՈՒՐ ԳԻՒՂՈՒՄ ԿՏԵՂԱԴՐՈՒԵՆ ԱՆՀԱՏԱԿԱՆ
ՀԵԼԻՈՀԱՄԱԿԱՐԳԵՐ
23-01-2007 17:10:00 | Հայաստան | Տնտեսութիւն
ԵՐԵՎԱՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ: Շիրակի մարզի Սառնաղբյուր
գիւղում նախատեսւում է մարտ ամսին տեղադրել անհատական
հելիոհամակարգեր, որոնք հնարաւորութիւն են տալիս արեւի էներգիայից
ստացուած ջերմութիւնն օգտագործել կենցաղային կարիքների համար:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց սարքի հեղինակ,
«Տեխնոստանդարտ» ՍՊԸ-ի տնօրէն Վահան Համազասպյանը,
հելիոհամակարգերը նպատակահարմար է օգտագործել հիմնականում
անհատական տներում եւ ֆերմերային տնտեսություններում: Դրանց
հզորութիւնը 300 Վտ-ից մինչեւ 200 կվտ է: Բնակարաններում
օգտագործման համար նախատեսուած են 3,5 կվտ-անոց սարքաւորումները:
1 կվտ հզորութիւն ունեցող սարքի արժէքը 300 ԱՄՆ դոլար է:
Սակայն, ըստ Վ.Համազասպյանի, եթէ սարքի պահանջարկը աճի, ապա այն
կրկնակի կէժանանա: Ըստ նրա, 50 տարուայ երաշխիք ունեցող սարքերը
փորձարկման նպատակով արդէն տեղադրուել են Երեւանում, Էջմիածնում եւ
Արարատում: