ԵՐԵՎԱՆ, 19 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ին Հայաստանում արտադրուած ՀՆԱ-ի ծաւալը շուկայական գներով կազմել է 2 տրլն 665 մլրդ 663,4 մլն դրամ (աւելի քան 6 մլրդ մլրդ 407 մլն ԱՄՆ դոլար` հաշուարկուած վերոնշեալ ժամանակահատուածի 1 դոլարը 416,04 դրամ միջին փոխարժեքով), ինչը 13,4%-ով գերազանցում է նախորդ տարուայ համապատասխան ցուցանիշը: ՀՀ Ազգային վիճակագրական ծառայութեան տուեալներով, ՀՆԱ-ի ինդեքս-դեֆլեատորը կազմել է 104,8%: Արդիւնաբերական արտադրանքի ընդհանուր ծաւալը 2006թ.-ին կազմել է 643 մլրդ 503,7 մլն դրամ` նախորդ տարուայ համեմատ նուազելով 0,9%-ով, իսկ առանց ադամանդի արտադրութեան` 640 մլրդ 696,7 մլն դրամ` աճելով 2,3%-ով: Գիւղատնտեսութեան համախառն արտադրանքը կազմել է 555 մլրդ 922,3 մլն դրամ եւ նախորդ տարուայ աճել 0,4%-ով, շինարարութեան ծաւալը կազմել է 623 մլրդ 111,5 մլն դրամ եւ աճել 37,1%-ով: 2006թ.-ին Հայաստանի արտաքին առեւտրաշրջանառությունը կազմել է 3 մլրդ 198 մլն դոլար կամ 15,2%-ով աւելի, քան նախորդ տարի: Առանց ադամանդի այդ ցուցանիշները կազմել են 2 մլրդ 729,4 մլն դոլար եւ 21,7%: Արտահանման ծաւալը կազմել է 1 մլրդ 4 մլն դոլար եւ աճել 3,1%-ով, իսկ առանց ադամանդի` 758,4 մլն դոլար եւ աճել 6,7%-ով: Ներմուծման ծաւալը կազմել է 2 մլրդ 194,3 մլն դոլար եւ աճել 21,8%-ով, իսկ առանց ադամանդի` 1 մլրդ 971 մլն դոլար եւ աճել 28,7%-ով: Մանրածախ առեւտրի շրջանառութիւնը 2006թ.-ին կազմել է 820 մլրդ 816,7 մլն դրամ, կամ նախորդ տարուանից 10,5%-ով աւելի, իսկ ծառայութիւնների ծաւալը` 474 մլրդ 716,9 մլն դրամ, կամ 20,2%-ով աւելի: 2006թ.-ին, նախորդ տարուայ համեմատ, սպառողական գների ինդեքսը կազմել է 102,9%, իսկ արդիւնաբերողների արտադրանքի գների ինդեքսը` 96,8%: Անցած տարի Հայաստանում միջին ամսական անուանական աշխատավարձը կազմել է 64,001 հազար դրամ կամ 23,5%-ով աւելի, քան նախորդ տարի: Բիւջէտային հիմնարկների աշխատողների պարագայում այդ ցուցանիշները կազմել են 45,130 հազար դրամ եւ 125,8%, իսկ ոչ բիւջէտային հիմնարկների աշխատողների պարագայում` 77 հազար 883 դրամ եւ 21,2%: Բնակչութեան դրամական եկամուտները կազմել են 1 տրլն 721 մլրդ 466,9 մլն դրամ կամ 19,8%-ով աւելի, դրամական ծախսերը` 1 տրլն 649 մլրդ 900 մլն դրամ կամ 19%-ով աւելի: ԱՄՆ դոլարի նկատմամբ հայկական դրամի միջին փոխարժեքը 2006թ.-ին կազմել է 416,04 դրամ` նախորդ տարուայ 457,69 դրամի դիմաց:

---