ՄԷԿ ՏԱՐՈՒԱՅ ԸՆԹԱՑՔՈՒՄ ՀՀ-ՈՒՄ ԳՐԱՆՑՈՒԱԾ ԱՌԵՎՏՐԱՅԻՆ ԻՐԱՒԱԲԱՆԱԿԱՆ
ԱՆՁԱՆՑ ԹԻՒԸ 2,6%-ՈՎ ԱՃԵԼ է, ԻՍԿ ԱՆՀԱՏ ՁԵՌՆԱՐԿԱՏԷՐԵՐԻՆԸ` 27%-ՈՎ
ՆՈՒԱԶԵԼ
16-01-2007 21:10:00 | Հայաստան | Տնտեսութիւն
ԵՐԵՎԱՆ, 16 ՅՈՒՆՎԱՐԻ, ՆՈՅԵԱՆ ՏԱՊԱՆ: ՀՀ Արդարադատութեան
նախարարութեան Իրաւաբանական անձանց եւ անհատ ձեռնարկատէրերի
պետական ռեգիստրի գործակալութեան տուեալներով, 2006թ.-ի
յունուար-նոյեմբերին գրանցուել են 2 հազար 762 առեւտրային
իրաւաբանական անձինք եւ 6 հազար 858 անհատ ձեռնարկատէրեր, որոնց
ընդհանուր թիւը, 2006թ.-ի դեկտեմբերի 1-ի դրութեամբ, կազմել է,
համապատասխանաբար, 53 հազար 736 եւ 52 հազար 66: ՀՀ Ազգային
վիճակագրական ծառայութեան տուեալներով, 2005թ.-ի դեկտեմբերի 1-ի
դրութեամբ, գրանցուած են եղել 52 հազար 380 իրաւաբանական անձինք եւ
71 հազար 293 անհատ ձեռնարկատէրեր. մէկ տարուայ ընթացքում
իրաւաբանական անձանց թիւն աճել է մօտ 2,6 %-ով, իսկ անհատ
ձեռնարկատէրերինը մօտ 27%-ով նուազել է:
2006թ.-ի յունուար-նոյեմբերին լուծարուել են 1 հազար 452
իրաւաբանական անձինք եւ 26 հազար 557 անհատ ձեռնարկատէրեր:
2006թ.-ի նշուած ժամանակահատուածում գրանցուած 2 հազար 762
իրաւաբանական անձինք կատարել են մօտ 16 մլրդ 427,3 մլն դրամի
(աւելի քան 39 մլն ԱՄՆ դոլար) ներդրումներ: Միայն օտարերկրեայ
իրաւաբանական անձանց եւ քաղաքացիների կողմից հիմնադրուած 151
ձեռնարկութիւնում կատարուել են 1 մլրդ 56,4 մլն դրամի ներդրումներ,
իսկ 133 համատեղ ձեռնարկութիւններում` 343,5 մլն դրամի
ներդրումներ: