ՅՈՒՆՎԱՐԻ ՎԵՐՋԻՆ «ԱՐՄԷՆՏԵԼ»-Ը ՎՃՌԱԿԱՆ ՔԱՅԼԵՐ Է ՁԵՌՆԱՐԿԵԼՈՒ
IP ԸՆԿԵՐՈՒԹԻՒՆՆԵՐԻ ՆԿԱՏՄԱՄԲ
16-01-2007 20:00:00 | Հայաստան | Տնտեսութիւն
ԵՐԵՎԱՆ, 16 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի
հեռահաղորդակցության ոլորտում իր մենաշնորհային դիրքերը դեռեւս
պահպանող «արմէնտել» ընկերութիւնը մտադիր է յունվարի 25-ից
անջատել ինտերնետային հեռախօսակապի (IP) ծառայութիւններ մատուցող
ընկերութիւնների կապը: Այս մասին հուվարի 16-ին լրագրողներին
տեղեկացրեց ընկերութեան գլխաւոր տնօրէն Օլեգ Բլիզնյուկը: Նա նշեց,
որ ըստ թիւ 60 լիցենզիայի IP ծառայութիւնների մատուցումը
հանդիսանում է «արմէնտել»-ի մենաշնորհը, ինչը վերահաստատել է նաեւ
Հանրային ծառայութիւնները կարգաւորող յանձնաժողովի վերջերս
ընդունուած որոշմամբ:
Անօրինական որակելով Հայաստանում առկայ շուրջ 300 IP
ընկերութիւնների գործունէութիւնը, Օ.Բլիզնյուկը միաժամանակ նշեց,
որ «արմէնտել»-ը պատրաստ է նրանց հետ դիլերային պայմանագրեր կնքել,
ինչը այդ ընկերութիւններին հնարաւորութիւն կտայ IP
ծառայութիւններ մատուցել օրինական կարգով: Նա հերքեց այն լուրերը,
թէ իբր վերացնելով մրցակցութիւնը, «արմէնտել»-ը բարձրացնելու է IP
ծառայութիւնների սակագները: