ՀԱՅԱՍՏԱՆՈՒՄ ԹԱՓՈՒՐ ԱՇԽԱՏԱՏԵՂԵՐԸ ՇԱՏ ԴԺՈՒԱՐՈՒԹԵԱՄԲ ԵՆ
ԼՐԱՑՎՈՒՄ,- ՅԱՅՏԱՐԱՐՈՒՄ Է ԶԲԱՂՎԱԾՈՒԹՅԱՆ ԾԱՌԱՅՈՒԹԵԱՆ ՊԵՏԸ
16-01-2007 19:45:00 | Հայաստան | Հասարակութիւն
ԵՐԵՎԱՆ, 16 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանում թափուր
աշխատատեղերը կամ շատ դժուարութեամբ են լրացվում, կամ էլ
ընդհանրապես չեն լրացվում: Այս մասին յունվարի 16-ի ասուլիսում
յայտնեց ՀՀ Աշխատանքի եւ սոցիալական հարցերի նախարարութեան
«Զբաղվածության պետական ծառայութիւն» գործակալութեան պետ Սոնա
Յարութիւնեյանը: Ըստ նրա, դրա հիմնական պատճառն այն է, որ չկան
աշխատաշուկայում պահանջւող մասնագէտներ` էլեկտրաեռակցողներ,
գազաեռակցողներ, կռունկավարներ, փականագործներ եւ այլն: Ըստ նրա,
եթէ Երեւանում թափուր աշխատատեղերի մեծ մասը բանուորական
մասնագիտութիւնների գծով են, ապա մարզերում առկայ են
մանկավարժների, բժիշկների թափուր տեղեր:
Ս.Յարութիւնեյանը յայտնեց նաեւ, որ 2006թ.-ի նոյեմբերից
իրականացyող «Ձեռնարկատիարական գործունէութեան պետական գրանցման
համար գործազուրկներին եւ հաշմանդամներին ֆինանսական աջակցութեան
տրամադրում» ծրագրի շրջանակներում գործակալութիւնը
համագործակցելու է Փոքր եւ միջին բիզնեսի զարգացման հիմնադրամի
հետ: Այդ համագործակցութեան շնորհիւ հնարաւոր կլինի համապատասխան
մասնագիտական ուսուցման ծրագրում ընդգրկուած գործազուրկներին
ձեռնարկատիրական գործունէութիւն սկսելու համար վարկեր տալ:
Նշուեց նաեւ, որ «Մասնագիտական ուսուցում» ծրագրի
շրջանակներում 2006թ.-ին 25 մասնագիտութիւնների գծով ուսուցման
ծրագրերում ընդգրկուել են 1050 գործազուրկներ, որոնցից 100-ը
ուսուցումն աւարտելուց յետոյ անմիջապէս ապահովել են աշխատանքով:
2005թ.-ին ուսուցում անցածներից 2006թ.-ի ընթացքում աշխատանքի է
տեղաւորուել նրանց շուրջ 70%-ը: