ԵՐԵՎԱՆ, 16 ՅՈՒՆՎԱՐԻ, ՆՈՅԵԱՆ ՏԱՊԱՆ: Երեւանի Կոմիտասի անուան
կամերային երաժշտութեան տանը յունվարի 17-ին կկայանայ ՀՀ
ժողովրդական արտիստուհի Սւետլանա Նաւասարդեանի, «Հովեր» կամերային
երգչախմբի եւ «Սոլո» կվարտետի համատեղ համերգը: Համերգին կհնչի
Ռոսինիի «Վերջին մեսսա» ստեղծագործութիւնը:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց երգչախմբի
գեղարուեստական ղեկավար եւ խմբավար Սոնա Յովհաննիսեանը, այս գործը
Հայաստանում քիչ է կատարուել: «Վերջին մեսսա»-ն հրաշք
ստեղծագործությունն է: Ի տարբերութիւն միւս մեսսաների, սրանում
աւելի շատ լուսաւոր եւ պայծառ հոգի կայ: Մենք ամէն ինչ կանենք,
որպէսզի արուեստասէր հասարակայնութեանը բարձր մակարդակով
ներկայացնենք այդ գործը»,- նշեց Ս.Յովհաննիսեանը: