50 ՏԱՐՈՒՑ ԱՒԵԼԻ ՇԱՀԱԳՈՐԾՒՈՂ ՇԷՆՔԵՐԻ ՓՈԽԱՐԷՆ ՊԷՏՔ Է
ԿԱՌՈՒՑՈՒԵՆ ՆՈՐԵՐԸ,- ԱՍՈՒՄ Է ԵՐԵՒԱՆԻ ՓՈԽՔԱՂԱՔԱՊԵՏԸ
15-01-2007 20:25:00 | Հայաստան | Տնտեսութիւն
ԵՐԵՎԱՆ, 15 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ին Երեւանի
քաղաքապետարանն իրականացրել է բազմաբնակարան շէնքերի գոյքագրում`
յետագայում դրանց արդիականացմանն ուղղուած երկարաժամկէտ ծրագիր
մշակելու նպատակով: Այս մասին յունվարի 15-ի ասուլիսում յայտնեց
Երեւանի փոխքաղաքապետ Կամո Արէեանը:
Նրա խօսքերով, մայրաքաղաքում այսօր առկայ են 4567
բազմաբնակարան շէնքեր, որոնցից 20-ը` շահագործվում է 10 տարի,
665-ը` 11-20, 1242-ը` 21-30, 1252-ը` 31-40, 877-ը` 41-50 տարի,
իսկ 474-ը` 50 տարուց աւելի: Ըստ Կ.Արէեանի, վերջիններիս փոխարէն
նախատեսւում է կառուցել նոր շէնքեր:
Կ.Արէեանը յայտնեց, որ 2003թ.-ին իրականացուել են մայրաքաղաքի
վթարային շէնքերի ուսումնասիրութեան աշխատանքներ: Ըստ այդմ, 86-ը
ճանաչուել են 3-րդ աստիճանի վթարային շէնքեր, 15-ը` 4-րդ աստիճանի:
Փոխքաղաքապետի խօսքերով, 2007թ.-ի յունվարի դրութեամբ 2 մլրդ
դրամով (մօտ 5,4 մլն ԱՄՆ դոլար) ամրացուել են 3-րդ աստիճանի
վթարայնութեան 28 շէնքեր: Այս տարի կամրացուեն 3-րդ աստիճանի
վթարայնութեան եւս 8 շէնք, որի համար պետբիւջէից յատկացուել է 620
մլն դրամ:
Նշուեց նաեւ, որ այս տարի շահագործման կյանձնուի 3 բնակելի
շէնքեր ներկայումս Աջափնեակ համայնքի 4-րդ աստիճանի վթարայնութեան
նույնաքանակ շէնքերում բնակուողների համար: