2006 Թ.-ԻՆ ՆԱԽՈՐԴ ՏԱՐՈՒԱՅ ՀԱՄԵՄԱՏ ՀԱՅԱՍՏԱՆՈՒՄ ՍՊԱՌՈՂԱԿԱՆ
ԳՆԵՐԸ 2,9%-ՈՎ ԱՃԵԼ ԵՆ
08-01-2007 14:04:00 | Հայաստան | Տնտեսութիւն
ԵՐԵՎԱՆ, 8 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ի դեկտեմբերին
նախորդ տարուայ նոյն ամսուայ համեմատ Հայաստանում սպառողական գներն
աճել են 5,2%-ով, այդ թւում, պարենային ապրանքներինը (ներառեալ
ոգելից խմիչք եւ ծխախոտ)` 6,6%-ով, ոչ պարենային ապրանքներինը`
0,5%-ով, իսկ ծառայութիւնների սակագներինը` 5,3%-ով:
ՀՀ Ազգային վիճակագրական ծառայութեան տուեալներով, 2006թ.-ի
դեկտեմբերին նոյեմբերի համեմատ ՀՀ սպառողական շուկայում
արձանագրուել է 1,6% գնաճ, ինչը հիմնականում պայմանաւորուել է
պարենային որոշ ապրանքատեսակների գների սեզոնային
փոփոխություններով:
2006թ.-ի դեկտեմբերին նոյեմբերի համեմատ հանրապետութիւնում
արձանագրուել է պարենային ապրանքների (ներառեալ ոգելից խմիչք եւ
ծխախոտ) 3,1% գնաճ: Ոչ պարենային ապրանքների գները նշուած
ժամանակահատուածում նուազել են 0,6%-ով, իսկ ծառայութիւնների
ոլորտում արձանագրուել է սակագների 0,2% աճ:
2006թ.-ին սպառողական գների միջին ամսական աճը կազմել է 0,4%`
նախորդ տարուայ 0,05% նուազման դիմաց:
2005թ.-ի համեմատ 2006թ.-ին սպառողական գներն աճել են
2,9%-ով, այդ թւում` պարենային ապրանքներինը (ներառեալ ոգելից
խմիչք եւ ծխախոտ)` 3%-ով, ոչ պարենային ապրանքներինը` 2,9%,
ծառայութիւնների սակագներինը` 4%-ով:
2006թ.-ի դեկտեմբերին 2005թ.-ի համեմատ սպառողական գների
ինդեքսը կազմել է 105,3%, այդ թւում` պարենային ապրանքներինը
(ներառեալ ոգելից խմիչք եւ ծխախոտ)` 105,8%, ոչ պարենային
ապրանքներինը` 102,4%, ծառայութիւնների սակագներինը` 105,9%: