«Մենք պէտք է որպէս սկզբունք ընդունենք ԵԱՀԿ Մինսկի խմբի համանախագահող երկրների առաջնորդների յայտարարութիւնը, որտեղ առաւելագոյն յորդորը, որ արւում է բանակցող կողմերին, դա Հիմնարար սկզբունքների շուրջ համաձայնութեան գալն է»,- յունիսի 10-ին Երեւանում լրագրողներին ասաց ԼՂՀ ԱԺ Արտաքին յարաբերութիւնների յանձնաժողովի նախագահ Վահրամ Աթանէսեանը: Նա խորհուրդ տուեց առաջ չընկնել եւ ինչ-ինչ տարբերակներ չքննարկել, քանի որ ղարաբաղեան հակամարտութեան կարգաւորման մանրամասնութիւնների մասին այսօր չի խօսւում: Ըստ նրա, սկզբունքների շուրջ համաձայնութիւն չի լինի, որովհետեւ Ադրբեջանը չի ստորագրի մի այնպիսի փաստաթուղթ, որտեղ արձանագրուած կը լինի ուժի չկիրառման մասին պարտաւորութիւն: «Իսկ եթէ Ադրբեջանը դրան համաձայնի, ապա դա կը նշանակի, որ Ադրբեջանը ճանապարհ է բացում Լղհ-ի փաստացի անկախութեան միջազգայնացման համար, որին կարող էն հետեւել կողմերին հետաքրքրող միւս բոլոր հարցերի քննարկումները», -ասաց Վ.Աթանէսեանը:

---