ՃԱՊՈՆԻԱՅԻ ՎԱՐՉԱՊԵՏԸ ԽՕՍՏՈՎԱՆԵԼ Է, ՈՐ ԿԱՌԱՎԱՐՈՒԹԻՒՆԸ
ՊԱՏԱՍԽԱՆԱՏՒՈՒԹԻՒՆ Է ԿՐՈՒՄ ՀԵՊԱՏԻՏ C-ՈՎ ՔԱՂԱՔԱՑԻՆԵՐԻ ՎԱՐԱԿՄԱՆ
ՀԱՄԱՐ
24-12-2007 20:05:00 | | Միջազգային
ՏՈԿԻՈ, 24 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ճապոնիայի վարչապետ
Յասուո Ֆուկուդան խօստովանել է, որ կառավարութիւնը
պատասխանատւութիւն է կրում հեպատիտ C-ով մի քանի հարիւր ճապոնացի
քաղաքացիների վարակման համար, որոնց դուրս են գրուել փչացած
դեղամիջոցներ: «Դեղաբանական հարցերը իշխանութիւնների իրաւասութեան
մէջ են մտնում, որոնք թոյլ են տալիս դրանց օգտագործումը: Այդ
տեսանկիւնից կառավարութիւնը պատասխանատւութիւն է կրում, այդ
թւում` բարոյական»,- յայտարարել է Ճապոնիայի վարչապետը:
Ճապոնիայի հինգ դատարաններում մօտ 200 հայցատուներ
փոխհատուցում են պահանջում կառավարութիւնից եւ դեղագործական
ընկերութիւններից` արեան մակարդման համար խոտանված պատրաստուկների
կիրառման հետեւանքով առողջութեանը պատճառուած վնասի դիմաց: Բոլոր
այդ դէպքերը տեղ են գտել դեռեւս 1980-ական թուականներին, սակայն
մինչ օրս կողմերը չէին կարողացել պայմանաւորուածութեան հասնել այդ
խնդրի լուծման եղանակի մասին: